Üz cizgiləri ilə insanları tanımaq sənəti hələ eramızdan əvvəl meydana gəlib. Bu sənətin baniləri çinlilər olub. Siz də ətrafınızdakı insanları onların üz cizgiləri ilə tanımağa çalışın...



ÇƏNƏ: Çənəsi boynuna bitişik insanlar hər zaman hə deməyi sevirlər. Onlar hər bir əmrə boyun əyirlər. Çənəsi yumru insanlar hər zaman güclü olurlar. Belələri kiminsə təsiri ilə yaşamağı sevmirlər. Bu tipdə olanlar çox vaxt müdir vəzifəsində çalışırlar.

QAŞ: Qaşları aralı olan insanlar yumşaq, qaşları yaxın olanlar isə sərt xarakterli olurlar. Belə insanları hər dəqiqə işə götürmək olmaz. Onlar çox vaxt tapşırılan işi yerinə yetirməkdə çətinlik çəkirlər. Inanca görə, insanın qaşında nə qədər çox tük varsa, onun o qədər çox dostu olur.

ÜZ: Sifəti uzunsov olan insanlar paxıl olurlar. Onlar hamının xoş gününə sevindiklərini göstərirlər. Ancaq əslində, belə deyil. Hər şeyin yaxşısını özlərin istəyirlər.

GÖZ: Sağ göz hər zaman güclü sayılır. Insan ətrafdakıları əsasən, sağ gözü ilə görür. Gözləri uzunsov olanlar bildiklərini həmişə gizli saxlayır. Onlar sözün əsl mənasında özlərini alim hesab edirlər, lakin heç nə bilmirlər. Gözləri yumru olanlar isə çox sadəlövh olurlar. Əllərində olan olanı bölüşməyə çalışırlar...