Unut, səni söysələr də, unut.
Unut sənə deyilən bütün acı
sözləri. Unut sənə deyilən
bütün tikanlı kəlmələri. Unut
sənə atılan bütün böhtanları,
unut. Unut sənə yaxılan bütün
şərləri, unut. Bil ki, bu deyilənlər
bir vaxtlar Allahın sevgili
qullarına da deyilmişdi. Bil ki, bu
deyilənləri bir vaxtlar Allahın
sevgili qulları da eşitmişdi...
Təkcə acı sözləri yox, sənə
deyilən xoş sözləri də unut.
Təkcə tikanlı kəlmələri yox,
sənə deyilən tikansız kəlmələri
də unut. Ürəklərimizi yerindən
oynadan odlu tərifləri də unut.
Damarlarımızdakı qanı
coşduran alovlu mədhləri də
unut. Unut, həqiqət naminə
“uduzduğun” nə varsa. Unut,
həqiqət naminə “itirdiyin” nə
varsa...
Unut, sənə dünyanı hədiyyə
edənləri, unut. Unut, sənə
dünyanı bağışlayanları, unut. Və
get yolun hara qədər uzanırsa.
Və get yolun səni hara qədər
aparırsa. Arxada qoyduğun
varını, dövlətini unut. Arxada
qoyduğun bağını, bağçanı unut.
Unut, əbədi bir sərvəti
qazanmaq üçün. Unut, əbədi bir
səadətə qovuşmaq üçün...
Unut, həm də elə unut ki,
unutduğunu da unut. Unut, həm
də elə unut ki, unudulduğunu
da unut. Unut, təkcə özün üçün
yox, milyonlar üçün unut. Unut,
təkcə özün üçün yox, milyardlar
üçün unut...
Ancaq nəyi unutsan da, həqiqəti
unutma, Ancaq nəyi unutsan
da, ədaləti unutma. Həyatını da
elə buna görə yaşa. Ömrünü də
elə buna görə yaşa...
Unut, səni döysələr də, unut.
Unut, səni söysələr də, unut.
Unut sənə deyilən bütün acı
sözləri. Unut sənə deyilən
bütün tikanlı kəlmələri. Unut
sənə atılan bütün böhtanları,
unut. Unut sənə yaxılan bütün
şərləri, unut. Bil ki, bu deyilənlər
bir vaxtlar Allahın sevgili
qullarına da deyilmişdi. Bil ki, bu
deyilənləri bir vaxtlar Allahın
sevgili qulları da eşitmişdi...