onda daha iki fəzilət olmalıdır: qədrbilənlik və paklıq.

***

Əsl həqiqətdə heç bir əxlaqi fenomen yoxdur, yalnız hadisələrin əxlaqi cəhətdən qiymətləndirilməsi var. İnsan ən çox öz xeyirxahlığının cəzasını çəkir.

***

Məhəbbət və nifrətdə qadınlar kişilərdən daha amansız olurlar.

***

İsa öz yəhudilərinə dedi: “qanunlar kölələr üçün yazılmışdır, - Allahı onun oğlu olan mənim kimi sevin. Bizim kimi Allah övladlarına qanunların nə dəxli var!”

***

Məni yandıran o deyil ki, məni aldadırsan, məni yandıran odur ki, daha sənə inanmıram.

“Ondan zəhləm gedir”. – “Niyə? – “Çünki o məndən üstündür”. Görəsən dünyada bunu etiraf edən adam olubmu?

***

Yaddaşım deyir: “Mən bunu etmişəm”. – Yox, mən bunu heç vaxt edə bilməzdim” – deyə qürurum etiraz edir. Nəhayət, yaddaşım təslim