saçları, çatma qaşları ve nazik bığları zil qara, gözleri ise ala idi. Bu tezad onun yaraşıqlı sifetinde qeribe bir ifade yaradırdı - yarıtekebbürlü, yarısadelövh, bir qeder çoxbilmiş bir qeder mesum. Şıx geyinmişdi, qızartdaq mexmer penceyinin altından qar kimi ağ ipek köynek, köyneyin yaxasında qırmızı zolaqlı qalstuk görünürdü. Saçlarını hemişeki kimi yağlayıb seliqeyle dala daramışdı. Barmağında iri qaşlı üzük parlayırdı. Cavad:
-Bütün ehli-meclise ateşin salamlar, - dedi. - Sefure xanıma xüsusi Privet, Kebirlinski, Mecid, eşq olsun.
Mecid irişib:
-Privet, Mestan pişik, - dedi.
Sefure:
-Gel çıx da, - dedi. - Gözlemekden gözümüzün kökü saraldı ki...
Cavad:
- Canınçun, maşını gücnen qovmuşam, - dedi. - Sizden artıq olmasın, yaxşı bir meclisdeydim. Yarımçıq qoydum, durdum. Yalvardılar ki, getme, dedim xeyr, siznen oturan Cavad Cabbarov idi, her heftenin bu günü bu saatı men dönüb oluram Mestan pişik, ministr de kelse meni burda saxlayammaz. Qapını bağlasaz, pencereden atılıb qaçaram. Gerek cumam radioya.
Hamı gülüşdü. Mecid:
-Mestan pişik, - dedi, - çoxdan görünmürsen, otağımızda siçan emele gelib.
Cavad ciddi bir teeccüble:
- Bıy ay Mecid, bes ne eceb tutub yememisen? - dedi, hamı yeniden gülüşdü:
Cavad gülüşlerine ara verib:
-Yaxşı, Sefurecan, - dedi, - yarımca saat vaxtım var, balamın ölmüşüne kinostudiyada dublyacım vardı, senin xetrinçün keçirtdim sabaha.
Kebirlinski:
-Düz deyir, Sefure xanım, - deye söze qarışdı.- Men allah şahidi.
Cavad:
-Görürsen ki, - dedi, - deyir yalançının şahidi yanında olar. Yaxşı, tez yazaq, gerek qaçam mektebe, meni görüşe çağırıblar.
Sefure:
-Bu saat yazacağıq. - dedi. - On deqiqeden sonra studiya bizimdir. helelik al metnle tanış ol.
Cavad metni götürub gözucu baxdı, sehifelere öteri nezer salıb bir-bir çevirirdi.
Sefure yavaş sesle:
-Bura bax, Cavad, camaat cürbecür sözler danışır, - dedi.
Cavad:
-Ne sözler? - deye soruşdu.
-Ne bilim, sen bilersen.
<< 1 ... 7 8 [9] 10 11 ... 45 >>
»Eserler ve Edebiyyat Gecesi
»Oxu zalına keç