isə azərbaycanlı «avtoritet»lər bazar ticarətinin xeyli hissəsi ilə yanaşı, narkobiznesi də öz nəzarətlərinə keçiriblər. 1992-ci ildə bu qrupun 300-ə yaxın aktiv üzvü olub. 1992-ci ilin yayında Moskva OMON-nun «Qastrolyar» əməliyyatı çərçivəsində azərbaycanlıların ticarət obyektlərini dağıtması və qarət etməsi nəticədə qruplaşma üzvlərinin sayı 200-ə düşüb. Lakin bu o qədər də uzun çəkməyib. Həmin vaxt Azərbaycan tərəfinin hadisəyə siyasi qimət verməsi nəticəsində Moskva geri çəkilib. Beləliklə azərbaycanlı «avtoritet»lər Moskva regionunda yenidən liderliyi ələ alıblar. Moskvanın əksər bazarları onların nəzarəti altına keçib.

Bütövlükdə cinayət aləminin «lotu»larının Moskva bazarlarında qiymətlərin formalaşmasında böyük təsirə malik olduqları qeyd edilir. Bunun qarşısını almaq üçün Moskva milisi mütəmadi olaraq reydlər həyata keçirir. Amma belə qruplaşmaların gəlirləri əsasən narkobiznesdən gəlir. Narkobiznesin 30 faizdən çoxu isə azərbaycanlı «vor zakon»ların payına düşür.

Rusiya hüquq mühafizə orqanlarının hesablamalarına görə, Moskvada 30-a yaxın azərbaycanlı «vor zakon»ların rəhbərlik etdiyi qruplaşmalar mövcuddur. Onlar yerliilik və qohum prinsipləri əsasında formalaşıblar. Həbs olunanların və öldürülənlərin yerini dərhal başqaları tutur. Ona görə də qruplaşmaların liderləri tez-tez dəyişə bilər. Belə qruplaşmaların adı əsasən liderlərin anadan olduğu rayonun adından götürülür. Onlar əsas toplaşdıqları yerlər şəhərin böyük bazarları, otellər və mehmanxanalar