İsrailin Hayfa Universitetində aparılan bir araşdırmada, sosyal şəbəkə saytı olan Facebookun sağlamlığa zərərli olduğu müəyyən olunub.

12-19 yaş arasında 248 gənc qızın iştirak etdiyi araşdırmada, internet və televiziya vərdişləri ilə qidalanma, arıqlama və ifrat pəhriz arasındakı əlaqə araşdırılıb. Araşdırma gənc qızların qeyri-taraz qidalanma və anoreksiya kimi sağlamlıq problemlərinin, facebookda keçirdikləri zamanla bağlı olaraq artdığını müəyyən edib. Araşdırmadan çıxan digər bir nəticə isə, New Yorkun zəngin gənclərinin həyatından bəhs edən 'Gossip Girl' serialını izləyən gənc qızlarda anoreksiyaya yoluxma riskinin artmasıdır. Mütəxəssislər medyanın bu zərərli təsirləriylə bağlı valideynləri övladlarına qarşı diqqətli olmağa çağırır.