Mehribançılığın üsulları ilə qadının erogen sahələrini qıcıqlandırmaq kişi üçün əsas və mütləq şərtlərdəndir və bu oyun mümkün qədər uzun müddət davam etdirilməlidir. Sevgi oyununun davamı müddətini müəyyən etmək və yalnız bundan sonra cinsi əlaqəyə başlamaq üçün obyektiv göstəricilər var:

Nəbz və tənəffüs sürətlənir, üzün və boyunun dərisi qızarır (bəzən ləkələr şəklində), qarın əzələləri yığılır, döş kilələri bərkiyir və s. yaş artdıqca erogen sahələrin yeri və dərəcəsi, eləcə də onların mehribançılığa qarşı cavab reaksiyası dəyişə bilər. Ona görə ər-arvad arasındakı intim münasibətdə “əks əlaqənin” müəyyən olunmasının böyük əhəmiyyəti var, heç də vacib deyil ki, bu sözlə olsun; dolayı yolla, bədənin müxtəlif hərəkətləri ilə qadın ərinə öz hisslərini, xüsusilə xoş gəlməyən hisslərini bildirməlidir.
Erogen zonaların yaşla əlaqədar yerdəyişməsi haqqında heç bir qanunauyğunluq müşahidə olunmur, yalnız demək olar ki, mehribançılıq hərəkətlərinin yuxandan aşağı (başdan cinsiyyət üzvlərinə doğru) aparılması erotik hissləri kəskinləşdirir. Eyni zamanda qeyd etmək lazımdır ki, zəngin ailə həyatı təcrübəsi olan qadınlarda şəxsi, fərdi erogen sahələr yarana bilər.
Kişi bədənində qadından fərqli olaraq erogen sahələr azdır. Bu yalnız dodaqlarda və xarici cinsiyyət üzvündə, xüsusilə onun başcığında olur.

Kişinin seksual qıcıqlanmasında ən əsas rolu qadın bədənini gözlə görmək oynayır. Bəzi mütəxəssislər belə hesab edirlər ki, kişidə seksual qıcıq yalnız çılpaq qadını görməklə deyil, əsasən qadının cinsi əlaqəyə hazırlıq dövründə özünü neçə aparmasından, onun üzünün ifadəsindən, sözlərindən, hərəkətlərindən asılıdır. Axı bu dopr nahaq yerə sevgi oyunu adlandırılmayıb. Bu zaman bütün stereotiplik, şablon kənar edilməli, münasibətlərdə yeni elementlər tapılmalıdır. Özü də bu tələb ər-arvadın hər ikisinə süni dərəcədə aiddir.

Güclü temperamentli bəzi kişilər və eləcə də şərti refleksin meydana çıxması nəticəsində qadında şəxsi, spesifık erogen zonaları tapa bilər.