Hər şeydən tez küsüb, yaxınlara kin saxlamaqla dəymədüşər adını almısınız? Bu xasiyyətiniz özünüzü də bezdirib? Onda...

- Ideal insan olmur. Heç sən özündə ideal deyilsən. Tənqidi eşidib, obyektiv yanaş.

- Fikirləşin ki, qarşınızdakı insan doğrudanmı sizin xətrinizə dəymək istəyir. Ola bilsin ki, istəmədən ağzından söz qaçırdıb. İstənilən anda “Bu mənim xoşuma gəlmir” deyib öz fikrinizi bildirə bilərsiniz. Cavab olaraq “Üzr istəyirəm” alacağınıza əmin olun. Növbəti dəfə artıq həmsöhbətiniz nə deyəcəyini əvvəldən biləcək.

- Hər deyilən sözə aqressiv yanaşmayın. Bəlkə həmin tənqiddə sizin xeyrinizə olan məqam var. Yüz ölçün, bir biçin.

- Qarşınızdakının sizi əsəbləşdirmək niyyətində olduğunu görəndə özünüz olmaqdan çıxın. Bir az şıltaq, heç kimi saymayan bir insan obrazına girin.

- Kobud cavab verməyə tələsməyin. İlk növbədə bu etika xətrinə edilməlidir. İkinci isə qarşınızdakı sizi özünüzdən çıxardığı üçün sevinə bilər.

- Kin saxlamayın. Bu sizin əsəblərinizə ziyandır. Umu-küsülülüyü aradan qaldırmağa çalışın