Elə bir hadisə baş verib ki, sən həqiqətən də sevdiyin insanın xətrinə dəymisən. Bağışlanılmaq üçün isə düzgün və vaxtında üzr istəmək lazımdır.
Üzrxahlıq
Yaxın rəfiqənlə dalaşdığın zaman üzr istəmək üçün sözləri fikirləşmirsən. Cümlələr özü alınır və nəticədə kiçik narazılıq aradan qalxır. Sevdiyin insanla isə hər şey bir qədər fərqlidir. Sözünüz düz gəlmədi, əsəbiləşib özündən çıxdın və həmin vaxtda lazım olmayan bir neçə söz də dedin. İndi artıq sakitləşmisən və dərk edirsən ki, münasibəti qaydaya salmalısan. Lakin, təəssüf ki, ağlına lazımi sözlər gəlmir.

Söhbəti nədən başlamalı. Qarşı tərəfin səni dinləməsi vacibdir.
1-ci addım
Optimistik yanaşma
Bəzi insanlar üçün üzr istəmək çox çətindir. Məhz buna görə də onlar “günahsız” obrazına girməyi üstün tuturlar. “Məgər nəsə olub? Bu söhbət çoxdan bağlanıb.” sözləri ilə vəziyyətdən çıxış yolu axtarırlar.
Universitetdə sevgilini gördüyün zaman, yüksək əhvalla salam verib “ bu gün əla görünürsən. Yaman acmışam, bəlkə birlikdə yemək yeyək” sözləri onun ürəyini yumşaldacaq. Daha sonra isə heç nə olmamış kimi söhbətə davam edə bilərsən.
Lakin bu metod hər zaman əlverişli deyil. Çünki ciddi vəziyyətlərdə problem həll olunmamış qalır. Bu inciklik onun qəlbində qalacaq və müəyyən məqamlarda bu inciklik üzə çıxa bilər. Bu zaman xoşagəlməz sözlər də eşidə bilərsən. Bu cür sürprizlərlə qarşılaşmaq istəyirsən? Unutma ki, problemi araşdırmadan sən daha çox qarşı tərəfin hisslərinə hörmətsizlik edirsən. Hətta sevdiyin kişi qürurunu sındırmayıb heç nə olmamış kimi rəftar etsə belə. Vaxt tapıb “mən çox narahat idim, xahiş edirəm səni incitdimsə, məni bağışla, heç də xətrinə dəymək istəmirdim” sözlərini demək sənin üçün sığortadır.
2-ci addım
Gənclər arasında sms və elektron məktub daha çox dəbdədir. Belə demək lap yerinə düşər ki, bu cür anlarda o metodlardan istədiyin qədər faydalana bilərsən.
Məktub yazdığın zaman kiminsə gözlərinə baxma və ya utanma kimi hisslərdən tam azadsan, sözünü heç kim kəsmir və istənilən