Yalnızlıq siqaret və piylənmədən daha təhlükəlidir. Bunu Dünya Sağlamlıq Təşkilatının mütəxəssisləri açıqlayıb. Mütəxəssislər xüsusilə yaşlılarda bunun bir çox xəstəlik və problemlərə yol aça biləcəyini düşünür. Onların sözlərinə görə, tənha qalan insanlarda pis qidalanma, depressiya riski daha yüksək olur. Yalnızlığın daha bir çatışmazlığı isə onun fəal həyat tərzinə mane olmasıdır.

Aparılan araşdırmalar tənhalığın həm də sosiallaşmanı azaltdığını və bu yolla Alzheymer xəstəliyinin yaranmasına şərait yaradıldığını göstərir. Belə ki, 75 yaşdan yuxarı olan hər 10 nəfərdən birinin yalnızlıqdan əziyət çəkdiyi bildirilir.