təqdimatı zamanı bir çox kişi laureatlar zalda arvadına yox, «öz partnyorlarına» salam göndərir.

Əvvəllər Qambino mafioz klanına mənsub olan Stonewall-ın mehmanxana nömrələri, rəqs meydançaları vardı. Divarlar qara rəngə boyanmışdı, bar piştaxtasının yanında zəng düyməsi vardı ki, «gözqulaq»da olan qulluqçu polis yaxınlaşanda işıqların hamısını yandırır, müştərilər «pioner kimi» stol arxasına keçirdilər. Tri barmağındakı yekə qızıl üzüyü parıldada-parıldada göstərir: «Budur həmin düymə, buradadır»…
O vaxtlar ABŞ-da eynicinsli məhəbbət kriminal cinayət, 1970-ci ilə qədər psixi sapınma sayılırdı və məcburi surətdə elektroşokla müalicə edilirdi. Tri xatırlayır ki, birinci qey-paradda adamların arasında gizlənməyə çalışırdı ki, birdən anası onu görər. On ildən sonra o, öz kompaniyasını hansısa bayrama dəvət edir və kişilər stolun bir tərəfində, qadınlar o biri tərəfində oturanda anası ilk dəfə başa düşdü ki, oğlu niyə qadınların dalınca düşmürmüş.

Qeylərlə iftixar aylığı

Tri fəxrlə deyir ki, son 41 ildə çox şeyə nail olublar: «Mən deyə bilmərəm ki, dövlət bizi sıxışdırır».
ABŞ-ın hər tərəfində qey-paradlara indi şəhər merləri başçılıq eləyir. Barak Obama Ağ Evə gələndə «qeylərin və lesbiyankaların iftixar aylığı» elan elədi. Ötən dekabrda orduda əsgərlərin öz qeyri-ənənəvi orientasiyalıları açmasına qoyulan qadağa aradan qaldırıldı. Kolumbiya universitetindən Tanya Domi deyir: «Bu, çox böyük qələbədir. ABŞ-da etiraf etdilər ki, seksual orientasiyaya görə sıxışdırılma amerikan ruhunda hüquq və azadlığın pozulmasıdır». Bu xanım Obamanın «soruşma - demə» postulatının Pentaqona təntənəli imzalanması mərasiminə dəvət elədiyi 500 veteran arasında idi. Deyir, seksual orientasiyasını gizlətməyə məcbur olduğu üçün Vest-point hərbi akademiyasında dərs demək təklifini qəbul edə bilməyib. İndi Tanya Kolumbiya Universitetində işləyir və hələlik «standartdan qıraq» əlaqələrə dözümsüz olan Şərqi Avropada, Rusiyada seksual azlıqların hüquqları haqda kitab