Bəli, düz oxudunuz, "Ata"-"Ana" sözləri rəsmən ləğv olunur. Amma hələlik bizdə yox, Amerikada.
Fevral ayının ikinci yarısından ABŞ Dövlət Departamentinin rəsmi sənədləşmələrində «ata» və «ana» sözlərini işlək dildən çıxarırlar. Rəsmi sənədlər üçün ərizə verilərkən, anketlərdə indi bu sözlərin əvəzinə «valideyn nömrə 1» və «valideyn nömrə 2» formulası yazılacaq. Zarafat, ələsalma kimi görünür, elədir? Amma tam ciddi, rəsmi məlumatdır.
Dövlət Departamentində izah edirlər ki, əvvəlki gender identifikasiyası olan «atası» və «anası» anlayışları müasir reallığa ziddir - ABŞ-da eynicinsli ailələr artıq kök salıb və gənc amerikalıların bütöv bir nəsli ancaq «iki ataları» olduğuna görə özlərini ziyançəkən kimi görməməlidirlər. Lap britaniyalı Elton Con və onun partnyorunun bu günlərdə dünyaya nümayiş elətdirdikləri surroqat övladları kimi.

2005-ci ilin məlumatlarına görə, qeyri-ənənəvi amerikan ailələrində 300 min uşaq böyüyür. Güman etmək olar ki, sonrakı beş ildə onların sayı ancaq artıb.

Necə istəyirsiniz elə başa düşün, bu üzdəniraqlar haqda danışmaq, yazmaq o qədər də asan deyil. Amma problem o qədər böyüyüb, elə həddə çatıb ki, artıq bizdə də əndazədən çıxıb. Ona görə danışmamaq, yazmamaq da olmaz. Amma necə? Mən onların iki nümayəndəsinin rus jurnalisti ilə söhbətini mövzu ətrafında danışmaq üçün forma kimi seçdim.

Amma anam bilməsin

Tri (Tree-ağac) deyir ki, «şəxsən mən hətta pişik saxlamağın məsuliyyətini də üstümə götürə bilməzdim». O deyir ki, bütün dünya onu bu adla tanıyır (Şəxsən mən şükür Allaha ki, tarımıram-O.S.). Həftənin 4-5-6-cı günləri Tri Manhettendəki Kristofer-stritdə yerləşən çoxlu bayraqlar və göy qurşağı şəklində bəzədilmiş məşhur qey-bar Stonewall-ın piştaxtası arxasında şahlıq eləyir. Bu bar 1969-cu il qiyamından sonra dünya qey və lesbiyan hərəkatının beşiyi sayılır. Barla üzbəüz bağçada eynicinsli cütlük qruplarının heykəli qoyulub. Artıq qey cəmiyyəti Hollivudu, şou və model, əyləncə biznesini uğurla işğal eləyib. «Oskar»