abort etmələri nəticəsində alınan "material" satışından 10 il ərzində yüz minlərlə dollar xalis gəlir əldə edib.

Fetal kosmetika: ana bətninə uzanan tamah


Qadınların və bəzən də kişilərin istifadə etdikləri kosmetik vasitələrin arasında fetal məhsullar xüsusi qiymətdədir. Onlar çox bahalıdır.
Fetal kosmetik vasitələrin adı latınca "fetus", yəni "döl" kəlməsindən olduğundan, hamilə qadınlardan abort nəticəsində alınan embrionlardan və ya abort edilmiş döldən alınır.
Ana bətnində hamiləliyin 8-ci həftəsinədək olan kiçik embrion, 8-ci həftədən sonra isə döl adlanır.
Kosmetoloqların dediklərinə görə, çağdaş kosmetik preparatların alınmasında insan embrionları və ya dölündən istifadə edilmir. Əksinə, heyvani mənşəli "xammal"a üstünlük verir. Yəni, doğulmamış buzovlar və çoşkalardan istifadə edilir. Həmin sahə kriobiologiya, alınan materiallar isə ksenoorqanlar adlanır.

Fəqət, kosmetoloqlar həqiqəti gizlədirlər.


Daha dəqiq olsaq, yalan danışırlar.
Utanmadan, çəkinmədən.
Çünki dünyanın bütün ölkələrində, o cümlədən Azərbaycanda satılan və hər bur xanımın dükandan ala biləcəyi "fetal kosmetika"nın heyvani mənşəli olduğu bildirilir.
Belə kosmetik vasitələrin qutularının üzərinə "Ovar", "Placenta", "Cutis", "Hepar", "Amnion", "Liguor amnii" (amniotik maye), plasentar proteinlər, fetal dəri proteinlər və s. yazılır. İnsan embrionları və ya dölündən hazırlanmış kosmetik vasitələrinsə qutularının üzərinə "Human" və ya "Fetal" yazılır.
Kosmetika istehsalçıları satışa çıxardıqları məhsulda insan embrionları, daha doğrusu, abort "qalıq"larından istifadə etdiklərini etiraf etmir, bunu məhsullarının qutularının üzərinə yazmırlar.
Postsovet məkanındakı bütün ölkələr kimi, Azərbaycanda da satışda olan belə kosmetikanın istehsalçıları əsasən, İsveçrə, Fransa, Almaniya və Rusiyaya məxsus şirkətlərdir.
Həmin məhsullar isə dəritəmizləyən losyonlar, qaşınmaya qarşı kremlər, üz dərisi və antisellülit kremləri, hətta diş məcunlarıdır.

Ölüm hesabına