fəallığı da azaltdığı və konsentrasiya pozuqluğuna gətirib çıxardığı xəbərdarlığını edirlər. Qeyri-kafi su istehlak edən uşaqların konsentrasiyaları düşür və öyrənmə qabiliyyətləri azalır. Bunun nəticəsində də dərslərində müvəffəqiyyətli ola bilmirlər.

Hansı yaşda nə qədər su istehlak etməliyik?

Su istehlakı şübhəsiz hər uşağın yaşına, cinsiyyətinə, kilosuna, boyuna və fəaliyyət səviyyəsinə görə dəyişir. Ancaq yenə də hər uşağın mütləq lazım olan qədər su qəbul etmə miqdarı var. Bədəndə normal maye tarazlığının qorunması üçün qəbul edilməsi lazım olan maye ehtiyacı ya bədən səthinə görə hesablanır, ya da xərclənən kaloriyə görə gündəlik maye miqdarı təyin olunur. Məsələn, hər 100 kaloriyə 100 ml maye verilməsi normal qəbul edilir.

6 -12 ay arasında: 30 ml ilə 100 ml
1-3 yaş arasında: 1-3 litr
4-8 yaş arasında: 1-4 litr
9-13 yaş arasında: 1-2 litr

Nə vaxt su verməli?

Əgər körpə 6-12 aylıqdırsa, qatı qidalara başlandıqdan sonra hər 3 saatdan bir yeməkdən sonra su vermək lazımdır. Uşaq 1-5 yaş arasındadırsa, hər 2-3 saatdan bir yemək sonlarında 100 ml su verilməlidir. Yeməkdən əvvəl verilən su qarnın şişməsinə və qeyri-kafi qidalanmaya səbəb olur. Bu səbəbdən uşaqlara suyu yeməkdən sonra vermək faydalıdır.

Təbii ehtiyacın ödənməsi tezliyini müşahidə etmək

Uşağın kafi su istehlak edib-etmədiyini anlamanın ən praktik yolu təbii ehtiyaclarının ödənməsi tezliyini müşahidə etməkdir. Əgər uşaq 2 saatdan bir ehtiyacını ödəyirsə, bu, bədənində kafi su olduğu mənasını ifadə edir. Körpələrə isə gündə 7 uşaq bezi istifadə edilirsə, bədəndə kafi su olduğunun əhəmiyyətli göstəricisidir.

Türkcədən uyğunlaşdırdı Kamal