Gündəlik həyatımızda daha çox qəbul etdiyimiz içki növlərindən olan çay böyük əhəmiyyətə malikdir. Artıq alimlər də insan orqanizmi üçün çayın əvəzolunmaz içki olduğunu qeyd edir. Aparılan araşdırmalar nəticəsində məlum olub ki, davamlı olaraq gün ərzində üç fincan çay içmək bir çox orqanizm narahatlıqlarının qarşısını alır. Belə ki, gün ərzində qeyd edilən miqdarda çay içmək infarktdan tutmuş baş ağrısına qədər problemləri aradan qaldırır. Alimlər bildirirlər ki, insanlar səhər, günorta və axşam olmaqla gün ərzində üç fincan çay içməlidir. Quru çayı isti suyun içində ən az 5 dəqiqə saxlamaq lazım olduğunu da alimlər qeyd edib. Araşdırmalar nəticəsində aşağıdakı faydalarının olduğu məlum olub:

İnfarktı əngəlləyir: Çayda olan anti-oksidanların pis xolestrolu və infarkt xəstəliyi riskini azaltdığını ortaya çarıb.

Həzm köməkçisi: Yaşıl çay həzm sistemini daha çox aktivləşdirir və lazımsız yağların 30 % azalmasını təmin edir.

Beyin şişi risqini azaldır: Hər gün 100 ml çay içmək beyin şişi risqini 34 % azaldır.

Xərçənglə mübarizə: Çayın tərkibində olan maddələr xərçəng hüceyrələrinin böyüməsinə mane olur. Eyni zamanda gündə bir fincan çay içmək ağciyər, prostat və mədə xərçənginə tutulma risqini azaldır. Bundan başqa, yaşıl çay xərçəng xəstəliyinin müalicəsində tətbiq edilən kimyaterapiya dərmanlarının xəstəyə etdiyi mənfi təsirləri azaldır.

Ən yaxşı ağrıkəsici: Davamlı olaraq çay içən adamların immuniteti 5-6 dəfə çox olur. Çay dəri sağlamlığına da müsbət təsir edir. Eyni zamanda gərginlik və yuxusuzluq üçün də mütəxəssislər çay içməyi tövsiyə edirlər.

Kamal Hacılı