Bu gün mənə bir şey danış. Susub dinləyim uzun bir nağıl olsun. İçinə səni və məni qoy. Mavi sətirlərlə bəzənsin yazdıqların. Uşaqlar kimi xoşbəxt et izah etdiklərinlə. Tut əllərimdən gəzintiyə apar, bir parka apar, bir dəniz kənarına düşsün yolumuz. Qağayılara gəmilərdən çörək qırıntıları ataq. Zamanı dayandır axmasın, məsafələr, ayrılıqlar gəlməsin. Sən danış, mən dinləyim. Məndəki səni izah et. Uzun cümlələr qur yenə sənə aşiq olum, sən də aşiq ol mənə.
Apar gilin yerlərə, ən dərinlərə, gizlət məni. Özümü sənə əmanət etdim. Əllərinlə istədiyin kimi et məni. Bir şəkil çək, istədiyin bir yerə qoy ikimizi. Qəhrəmanın olum bilim ki, oradaki mənəm sənin qəhrəmanın. Xəyallarını bəzə ki, xəyallarım bəzənsin. Qeyri-mümkünmüş kimi görünən qeyri-mümkünlüklərimizi imkanlandır. Sən danışmağa başlayanda ümid dolur içimə. Çox yaxşı oluram, ayrı cür canlanır həyatım. Hər sözünün ayrı bir ahəng, ayrı bir gözəlliyi olur.
Sən danışdıqca mən həmişə susub saatlarla dinləmək istəyirəm. Mənə elə bir şey danış ki, dünyam mənalansın. Keçmişdə qalmış yaralarını sarıyım. Sənsiz keçən günlərin ağrısını çıxarım acıqca. Susdurum ətrafımdakıları görsünlər bizi. Qeyri-mümkün kimi bir şey olmadığını bilsinlər. Mənə bir nağıl danış bu gün. Baş rolda biz olaq. Bizi başa salsın hərf-hərf, heca-heca . Biz olaq bütün gözəllikləri. Bizə çıxsın bütün yollar. Biz bir nağıl olaq, bizi zaman oxusun.