Lütf qarşılıq və qarışıqlıq üçün təqdim edilir zadəgan adlar tərəfindən.
Adının mənasını ver mənə.
Tələffüz edəndə həsrətin dayandığı adını ver mənə.
Başqaları, bu sevgini əyləndirmək üçün var olar.
Nə qədər dayandırsalar nəfəsini, o qədər sürətlənərlər.
Mənə özünü ver. Hər şeydən ayırd etdiyin özünü.
Ən yaxşı ölüm bərbad bir həyatın sahilində gözləyər.
Səninlə gerçəklərin intizamlı duruşunda yalanlar qurmağını həll etmək üçün varam.
Mənə gücünü ver. Yaralar deyil ürəyi yandıran. Yaralarını göstər və mənə izlərini ver.
Günün bütün aynaları məni göstərdi əksində.
Baxdıqca səni gördüm. Mənə var olmağının sirrini ver.
Gün batanda gözümün dəydiyi yerlərə qurul.
Səndən olsa, günəşlərə qamaşsın baxışım.
Mənə zamanını ver.
Atlardan daha sürətli qaç oraya. Təngnəfəs qaldıqca qaç.
Sabahı təxirə saldığım keçmişin keçməzliyinə acıq, vaxtında çatmaq üçün mənə, bir dəfə olsun yox et gecikməyini və dayanmadan qaç oraya. Mənə verdiklərinlə gözləyirəm səni. Xülyasız və sonuna qədər gerçək olan.
Taqətini məcbur et və qaç.
Sevgi quldurlarının, qürur qırmaq üçün xəndək qazanların, toxunuşun sirrindən acizlərin, nəzarət edilməyən sevgilərin, intiharla bitməyən həyatların olmadığı yerə qaç.
Mən bütün gəmiləri yola saldım. Getməyəcəyəm.
Yazılmış sözləri silib, susuram.
Danışaraq, yazılmamışları silirəm. Mənə hecalarını ver.
Yarım qalan əhvalatlarımın nöqtəsi olmaqdan imtina et.
Mənə başlanğıclara yetər həvəsini ver.
Mənə üzündən xəttlər ver, gülüşünlə diqqətimi çarpazlaşdıran və heç bir qəmzəyə yer açmayan.
Suya yazılmaqdan qurudu kəlimələr.
Mənə bir cavab ver!