bağışlayar. Hətta əgər həmin gün 70 günahdan çox günah işlətsə belə”.

Əsr namazından sonra

Gün ərzində tövbə ediləcək dördüncü ən münasib vaxt - əsr namazından sonradır. Bu vaxtın çox böyük bərəkəti vardır. İmam Sadiq (ə) bu vaxt edilən tövbənin savabı haqda buyarar: “O kəs ki, əsr namazından sonra 70 dəfə istiğfar edərsə, Allahdan bağışlanma istəyərsə, Allah həmin günü onun 70 günahını bağışlayar. Əgər günahı olmasa, atasının günahını bağışlayar. Əgər atasının günahı da olmasa, anasının günahını bağışlayar. Anası da günahsız olsa, qardaşının günahını bağışlayar. Əgər qardaşının da günahı olmasa, bacısının günahını bağışlayar. Əgər bacısının da günahı olmasa, yaxın qohumlarının günahını bağışlayar. O kəs ki, fəcr vaxtı istiğfar edərsə, Allah bütün günahlarını bağışlayar. Hətta əgər yeddi qatlı göy və yerləri bürüsə belə. Dağ ağırlığında və yağışların damcısı qədər, dəniz və dərələr qədər olsa belə”.

Yuxu vaxtı

Tövbə üçün beşinci ən yaxşı vaxt - yuxu vaxtıdır. İmam Sadiq (ə) bu haqda buyurur: “Əgər o kəs ki, yatmaq və istirahət etmək üçün yatağa gedər, 100 dəfə “La ilahə illəllah” dəyərsə, Allah onun üçün behiştdə ev tikər. Əgər 100 dəfə Allahdan istiğfar diləyərsə, günahları tökülər. Sanki ağacın yarpaqları tökülmüş kimi”.

Həzrət Zəhranın (s.ə.) təsbihindən sonrakı dua

Allahdan bağışlanmanın ən yaxşı altıncı vaxtı - Həzrət Zəhranın (s.ə.) təsbihindən sonrakı vaxtdır. Muhəmməd ibni Muslim deyir ki, İmam Baqir (ə) buyurardı: “O kəs ki, Həzrət Fatimənin (s.ə.) təsbihini deyər, sonra tövbə edərsə, bütün günahları bağışlanar. Bu təsbih dildə 100 dəfə təsbihdir, əslində isə 1000 dəfə təsbih hesab edilər. Şeytanı uzaqlaşdırar. Rəhman Allahı razı salar”.

Vacib namazdan sonra

Günahların yarpaq kimi tökülməsinə səbəb olan vaxtlardan yeddincisi də vacib namazlardan sonrakı vaxtdır. İmam Baqir (ə) buyurur: “O kəs ki, vacib namazdan sonra namaz halından xaric olmamışdan və ayağını tərpətməmişdən əvvəl üç dəfə deyərsə ki: “Əstəğfurullahi ləzi la ilahə