Zaman nədir görəsən?

Səni mənə gətirən ya səni məndən aparan?

Yox!Yox!Deyirlər dərmanıdır zaman hər şeyin

İllər keçsə unudularmı yəni sənli xatirələrim?



Ah...bu zaman nədir görəsən?

Səni məndən uzaqlaşdıran ya məni sənə bağlayan?

Yox!Yox!Deyirlər zamanla dəyişir inkar etdiklərin

İllər keçsə çıxarmı yəni ortaya səni həqiqətən sevdiyim?



Kim bilir?Zaman nədir görəsən?

Sənə başqasını sevdirən ya məni eşqə küsdürən?

Yox!Yox!Deyirlər zaman təsəllisidir ayrılığın

İllər keçsə axmayacaqmı yəni səni düşünəndə bu göz yaşlarım?



Zaman nədir mən bilirəm deyəsən!

Nə dərmandır,nə təsəllidir bilirsən?

Hə!Hə!Deyirəm zaman-ötüb-keçən qaytara bilmədiyin keçmişin

İllər keçsə bir az daha uzaqlaşacaq dəyərini bilmədiyim o günlərim!