Yenə payıza xas olmayan isti və günəşli 1gün...Ardıcıl aramsız yağan yağışlardan sonra kəskin istilərin gəldiyini bilirəm,ama payızı bu cür görməyi heç sevmirəm.Yağışsız payızın yeri yoxdu.Ama bəlkə yağış da bezib?! Bəlkə də göylər də ağlamağı sevmədiyini nümayiş etdirir keçən bu cür havalarla...Başqalarının göz yaşlarını yağan yağışda gizlətmə şansını əllərindən alır göy üzü...Yəqin o da ağlamağın heç də zəiflik olmadığını düşünür.Və bunu gizlətmədən etməyi və yaxud ümumiyyətlə etməməyi deməyə çalışır.Açıq-aşkar ağlamağa gücüm yoxdu sevgilim,bilirsən axı,bu qədər zəif deyiləm.Ama təsirsiz qalmaq da mümkün deyil.Bunu bəlkə də bilmirsən.Axı məni heç vaxt kefsiz,ruh düşkünlüyü yaşayan görməmisən,ağlayan,üsyan edən görməmisən! Ama hər şey dəyişib artıq.Artıq həyatın oyunlarından başqa oyun sonlarının,udan və uduzanın da olduğunu bilirəm.Ama bizdə udan olmadı.Həyatdayam,ama hər ikimiz həyatlarımızı itirmiş kimiyik.Sən öz canını,mənsə öz canımı uduzdum həyat oyununda.İnanmadığım tale ən sərt şəkildə göstərdi mənə öz varlığını! Buna görədi ki :


- Artıq mən də ağlayıram,sevgilim...Sənlə gülə-gülə getdiyimiz küçələrə indi baxa belə bilmirəm.Onları sənin ayaq izini özündə saxladığına görə sevməli olduğumu və ya indi tək getdiyimçün nifrət etməli olduğumu belə bilmirəm...Hislərimi qatıram sevgilim...Sevgidən nifrətə 1addımlıq yoldu deyirlər.Mənə bu addımı kim atdırdı axı?! Hər şeyə qarşı yaranan nifrətimin hərdən təkcə sənə qarşı olmasını istəyirəm.Ama beynimdə ani olaraq formalaşan bu fikri sənli xatirələr silib qovur beynimdən,belə şeyi ağlıma gətirdiyimçün özümə acığlanıram və yenidən bütün içim sənlə dolur...


- Artıq mən də ağrıyıram sevgilim...Yoox,narahat olma,sağlamlığım yerindədi.Hiss etdiyim ağğrı tibblə araşdırılacaq və müəlicə olunacaq maddi bir şey deyil.Yoxluğundu ağrım,bilirəm...


- Artıq mən də az gülürəm sevgilim...Çox azdı belə anlar.Hətta yox dərəcəsinə çatmaq üzrədi.Hər dəfə gülmək istəyəndə gülməli olmadığımı düşünürəm.Ən çox eşitdiyim də