Astroloqlar martın fəlakət ayı ola biləcəyi ilə bağlı xəbərdarlıq ediblər.

Onların fikrincə buna səbəb, Ay və Yerin 18 il fasilədən sonra yaxınlaşması olacaq və zəlzələ, sunami, iqlim fəlakəti ilə nəticələnəcək.


Astroloq Richard Nolle, ‘Superay' adlandırılan bu vəziyyətin zəlzələlərə, sunamilerə və ani iqlim dəyişikliklərinə təkan ola biləcəyini açıqlayıb.

19 martda müxtəlif təbii fəlakətlərin baş verə biləcəyini söyləyən Nolle, nümunə olaraq Ayın Yerə yaxınlaşdığı 1955, 1974, 1992 və 2005-ci illərdə həddindən artıq hava dəyişikliklərinin və 2005-ci ildəki “Superay”-dan iki həftə əvvəl İndoneziyada yüz minlərlə adamın öldüyü sunamini xatırladıb.

Vaşinqton Universitetindən alimi Cohn Vidale də 19 martda dünyanın müxtəlif bölgələrində zəlzələlər ola biləcəyini söyləyib.

Bu iddialara qarşı çıxan bəzi alimlər isə Ayın zəlzələ kimi geoloji hadisələrə gətirib çıxarmayacağını amma şiddətli qabarma-çəkilmələrlə müşahidə olunacağını açıqlayıblar.