Türkiyə məhkəməsi evli olduqları dövrdə həyat yoldaşı ilə cinsi əlaqədə olmayan kişini cərimə edib. Məlumata görə, məhkəmə bu qərarını \"insan haqlarının pozulması\" ilə əlaqələndirib.
Həyat yoldaşının cinsi əlaqədən imtina etdiyini görən qadın boşanma və təzminat tələbi ilə məhkəməyə müraciət edib. Məhkəmə qadının tələbinin haqlı olduğunu bildirərək, kişinin cərimə edilməsi barədə qərar çıxarıb: \"Psixoloji səbəblərə görə ər, həyat yoldaşı ilə cinsi əlaqə yaşamayıb. Bu da qadına mənəvi təzminat verilməsi üçün kifayətdir. Ailədə cinsi əlaqənin olmaması qüsur sayılır. İddia qaldıran qadının insan haqlarının pozulduğu sübuta yetirilib. Türkiyə qanunu boşanmaya səbəb olan hadisəyə görə insan haqları pozulan tərəfin mənəvi təzminat almasını nəzərdə tutur. Əldə edilən sübutlar da qadının heç bir qüsurunun olmadığını, evliliyin də onun günahı səbəbindən pozulmadığını göstərir. Məhkəmə tərəflərin sosial və iqtisadi vəziyyətini, təzminata səbəb olan hadisənin ciddiliyini nəzərə alaraq, qadına dəyən zərərin müqabilində mənəvi təzminat ödənilməsini vacib sayır\"