Forbes” jurnalı ötən ilin ən varlı mərhum tanınmışlarının reytinqini açıqlayıb. Jurnalın versiyasına görə, reytinqə ötən il beyin xərçəngindən dünyasını dəyişən fransalı modelyer və dizayner İv Sen-Loran başçılıq edir. O, ildə 350 milyon dollar qazanıb. Fransalı modelyerin əmlakının böyük hissəsi bu ilin fevralında “Kristis” vuksionunda satılıb. (ans)
Ötən əsrin ortalarının yaradıcı dueti, bir çox məşhur müziklların musiqi müəllifləri-bəstəkar Riçard Rocers və şair Oskar Hammerstayn 235 milyon dollarlıq gəlirlə siyahının ikinci pilləsindədir.
Dünyanın ən varlı mərhumlarının siyahısında ilk üçlüyü bu ilin iyununda 51 yaşında dünyasını dəyişən “pop musiqisinin kralı” Maykl Cekson qapayır. Ölümündən ötən bir neçə ay ərzində onun adı 90 milyon dollar “qazanıb”.
Bir neçə il reytinq cədvəlinə başçılıq etmiş “rok-n-roll kralı” Elvis Presli isə bu dəfə dördüncü yerdədir. Onun gəliri 55 milyon dollar kimi göstərilir. Yazıçı Ronal Ruel Tolkien isə 50 milyon dollarlıq qazancla “Forbes”in siyahısının beşinci pilləsindədir.
İlk onluğa rəssam Çarlz Şults, müsiqiçi Con Lennon, alim Albert Eynştyen, yazıçı-fantas Mayl Krayton, yazıçı və karikaturaçı Teodor Heyzel də daxidir.