Alimlər planetimizin genişləndiyini, yığıldığını, yoxsa pulsasuya etdiyini dəqiqləşdirə bilmirlər. Yerin radiusunun dəyişməsi barədə obyektiv məlumatların olmaması alimlərə mane olur. Planetimizin mənşəyi barədə bir neçə fərziyə irəli sürülür. Onlardan birinə görə, Yer hissəciklər laxtasından əmələ gəlmişdir. Yer fırlandığı üçün getdikcə bərkimişdir. Müşahidələr göstərir ki, Yerin qabığı “büzüşür”. Onun bəzi hissələri çökür, relyef daha qabarıq, dağlar daha yüksək, dərələr daha dərin olur. Yerin radiusunda dəyişikliyi müəyyən etməklə onun səthinin həcmini və sahəsini ölçmək mümkündür. Məlum olmuşdur ki, Yerin səthi 4,5 milyard il ərzində 127 milyon kvadrat kilometr azalmışdır.