Məişətdə lazımlı 10 faydalı məsləhət

Əziz xanımlar, bu gün sizlərə məişətdə hər bir qadına faydalı olacaq 10 məsləhət təqdim edirik.

1. Soyuducudakı nəmi aparmaq üçün soyuducunun içinə duz dolu bir qab qoymaq lazımdır.
2. Paltardakı pas ləkəsini təmizləmək üçün ləkənin üzərinə bir neçə damcı limon şirəsi sıxıb ütüləyin.
3. Əgər xəmirin tez gəlməsini – acımasını istəyirsinizsə, xəmirə bir neçə makaron batırın.
4. Pambıqlı paltarların yuyulduqdan sonra daralmaması üçün ilk yumadan əvvəl bir müddət soyuq suyun içində saxlayıb sonra yuyun. Beləcə yuyulduqda daralma olmaz.
5. Evdə çoxlu kartofunuz varsa, onun cücərməsi və büzüşməsinin qarşısını almaq istəyirsinizsə, kartof olan torbaya bir ədəd alma qoyun. Bu təxminən 8 həftə kartofunuzun təzə kimi qalmasına kömək edəcəkdir.
6. Unda böcəklərin yaranmaması üçün un olan qabın içinə bir ədəd dəfnə yarpağı atmaq lazımdır.
7. Bişən zaman südün daşmaması üçün qazanın qırağını yağlamaq gərəkdir.
8. Yeni tava aldığınızda onun içində bir müddət sirkə qaynatmanız gələcəkdə burada qızardılan yeməklərin tavaya yapışmasının qarşısını alacaq.
9. Qida məhsulları saxlanılan mətbəx dolabından xoşagəlməz qoxulardan qurtulmaq üçün oraya ovulmuş kömür qoyun. Çünki kömür bütün kənar iyləri özünə çəkir. Lakin arabir kömürü dəyişməliyik.
10. Bişirdiyimiz keks qabından çıxmırsa, qabın altına yaş bir bez qoyub bir az gözləmək lazımdır.
Ümid edirəm ki, bu məlumatlar məişətdə sizə kömək edəcəkdir. Qarşıda belə yazılar çox olacaq.