Bir gün həyatımdan çıxacaqsan və mən səni həmişə son günkü halınla xatırlayacağam. Səni ən gözəl halın nə idi deyə düşünürəm. Və içimdən bir səs illər əvvəlinə aparır məni ...

Səni hər vəziyyətdə içimdə hiss edə bilirəm.Bax sevgimin ən gözəl tərəfi budur. Sən nə qədər anlaya bilərsən bilmirəm. Amma mənim kimi hər şeydən və hər kəsdən uzaq bir həyatın olmasaydı bunun nə demək olduğunu anlayardın. Səni anlaya bilirəm sevdiklərin və sənə dəstək verən hər kəsin yanında ağlamaq belə sənin üçün təbiidir. Mənim üçün lüks olan hər şey sənə təbii gəlir.

İndi yatırsan bəlkədə. Bir siqaret yandırmış yatağımın başında yaşadıqlarımı və mənim sənə söylədiklərimi və hətta yaşadıqlarımın bir səhv olduğunu düşünürəm. Qanayan yarayam sənin üçün bilirəm. Bir səhv. Bir səhv. Halbuki yalnız sevmişdim səni. Hələ ağlımdan çıxmırsan. Son dəfə çıxmayan olacaqsan. Səni əsla unutmayacağam. Yerlərdə sürünüb yox olsam, evlənib uşaq sahibi olsan və adım bir tərəfə, dünyada olduğumu unutsan da mən yenə buraxdığın yerdə olacağam.

Parkdakı uşaqlara baxıb səni yaşayacağam. Söküb atmalıyam içimdən səni. Həyatımın qalanını sənsiz yaşamağı öyrənməliyəm. Və belə ki,heç sızlamamalı içim səni gördüyümdə. Sən utanmalı, sən başını əyməlisən. Etdiklərindən utanmalı, iliklərinə qədər üşüməlisən yazın qızmar istisində...

Amma olmaz,bunu sənə yaraşdırmaram. Sən bunları yaşamamalı, görməməlisən. Qorxma balam mən gizli bir küncdən seyr edər sonra yavaşca itərəm. Sən heç görməzsən məni. Bəlkə bir gün ortaq bir tanışımızdan xəbərlərimi eşidərsən. Olar ki, haqqımda pis bir şeylər eşitsən nə olar qulaq asma yalandır mütləq. Sənin kədərlənməyin üçün deyilmişdir.

İçim yanır kimsəyə izah edə bilmirəm.Sən belə anlaya bilmədikdən sonra kim anlasın. Mənə güldüklərini bilirəm bunu iliklərimə qədər hiss edirəm.Qoy olsun, gülsünlər, mən bilirəm içimdəkiləri. Yorğun bədənimi ulduzlara daşıyacaqlar bu mənim ən xoşbəxt günüm olacaq. Sevdiklərimi oradan görə biləcəyəm.Hava,su kimi yaxın olacağam sənə. Sənə və