Nikahdan sonrakı birinci ay bal ayı adlanır. Bu müddət sevgi, məhəbbət, münasibətlərdə xüsusi incəliyə, xasiyyətlərin bir-birinə uyğunlaşdırılmasına, yəni həyat tərzinin yaradılmasına, valideyn və dostlarla münasibətlərin dəyişməsinə həsr olunur. Ailə həyatı gənc ər-arvadın hər ikisinə yeni, bu günə qədər onların qarşısında durmayan tələblər qoyur. Əlbəttə, bu tələblər getdikcə daha ağır, daha sərt olacaqdır. Bal ayı həm də ər-arvadın bir-birinə adət etmə dövrüdür. Bu müddətdə kənardan valideynlər, qohumlar, dostlar tərəfindən müdaxilələrin olmaması, gənc ər-arvadın səyahətə getmələri, təsərrüfat işlərindən kənarda olub yalnız özləri ilə məşğul olmaları məqsədəuyğundur. Bal ayı ər-arvadın cinsi, intim həyatında ən aktiv dövr olduğu üçün bu məsələni bir qədər ətraflı şərh etmək lazımdır.


Cinsi əlaqə istəyi fiziki və psixoloji komponentlərdən yaranır. Qeyd etmək lazımdır ki, kişi və qadın orqanizminin xüsusiyyətləri ilə əlaqədar, bir qayda olaraq, kişilərdə fiziki komponent, qadınlarda isə psixoloji komponent üstünlük təşkil edir.
Yeniyetmənin orqanizmində bioloji-fizioloji inkişafla əlaqədar baş verən dəyişkənliklə əlaqədar cinsi yetişkənlik, birinci pollyusiya (spermanın qeyri-ixstiyari ifrazı) və sonradan tez-tez təkrar olunan onanizm orqanizmin xoş hisslərini ona məlum edir. Əkər pollyusiya cinsiyyət üzvlərində toxumun çox toplanması sayəsində baş verirsə, onanizm gəncin öz istəyi, arzusu ilə həyata keçirilən və arzu olunan cinsi əlaqəni əvəz edən bir faktdır.

Evlənməyin gənclərdə yalnız cinsi əlaqə arzusu ilə əlaqədar olmasını demək düzgün olmazdı. Yeniyetmə və yaxud gənc kişi evlənmək kimi çox ciddi məsələni qarşısına bir məqsəd kimi qoyursa, deməli, o bu qərarında əsas yeri cinsi əlaqəyə, ehtirasa, şəhvətə deyil, ailə qurmağa, nəsil törətməyə verir. Əlbəttə, cinsi əlaqəyə istək, ehtiras da burada müəyyən rol oynayır və bu hisslər kişilərdə qadınlara nisbətən daha ön planda gedir.

Qızlarda aybaşının başlanması ilə erotik (sevgi, məhəbbət, ehtiras)