Demokrit(e.ə. 460-400) ən qədim materialist məktəbin qurucusu hesab olunur.Demokritin doktrinası atom üzərinə qurulmuşdur. Demokritə görə varlıq atom və boşluqlardan formalaşmış, ən az atomlar qədər boşluqlar mövcuddur. Bu da hər bir atomun qarşılığında bir boşluq, hər varlığın da qarşılığında bir yoxluq olduğunu ehtiva etməkdədir.
Demokritin dolu dediyi şeylər atomların formalaşdırdıqları varlıqlardır. Boş olan şeylər isə varlığı olmayan şeylərdir, yəni yoxluqlar. Demokritin atom dediyi cisimlər bölünməz olub, varlığın ən kiçik hissəciklərini ifadə edirlər. Bu bölünməz cisimlərin köməyi ilə şeyləri dəyişdirmək, formalaşdırmaq də digər bir şəkildə yenidən yaratmaq mümkündür. Atomlar bir-birləri ilə xüsusi bir şəkildə rastlaşaraq kainatı formalaşdırmışlar. Əvvəl göylər və elementlər yaranmış, daha sonra göy hərəkətlərindən bu elementlərin xarakterləri və onlardan da mürəkkəblər yaranmışdır. Demokritə görə, var olan və yox olmayan atomların kürə formasında olanları ruhu varlığa gətirirlər.
Demokrit fəlsəfəsində atomlar real biliyə çatmağın ən məntiqli yoludur. Realda heç bir şeyin məlum olmadığını irəli sürən filosof, yalnız atomların formasına və vəziyyətinə görə varlıq haqqında bir şey deyilə biləcəyini qeyd edir.