Ətrafım çox sıxır artıq. Yoruldum...
Sevgilim, sənə şikayətim var...
İşdən şikayətim var. Sıxıldım hər gün eyni vaxtda durmaqdan, işə getməkdən... Yoruldum insanlarla ünsiyyət qurmaqdan. Bəzən o qədər sual verirlər ki, cavab vermək istəmirəm.
Evdəkilərlə durmadan mübahisə etməkdən yoruldum. Hamı sanki sözləşib. Məni tək buraxmırlar, sanki istədikləri odur ki, yanlarında olum. Problemlərini dinləyim.
Havanın soyuqluğundan bezdim. Artıq günəş istəyirəm... Havaya çıxım, biraz gəzinti edim. Sıxır məni yağışa görə evdə oturmaq. Bəzən yağışın altında saatlarla oturmaq istəyirəm ki, gözümdən axan yaşlar hiss olunmasın.
Musiqi dinləməkdən yorulmuşam. Nə qədər eyni musiqiləri dinləmək olar... Artıq sadəcə qaranlıq otaqda səssizlik istəyirəm. O səssizliyi pozan isə sən ol istəyirəm.
Gülməkdən bezmişəm. Hamıya gülümsəməkdən yoruldum. Bugün ağlamaq istəyirəm, qışqırmaq istəyirəm, öz hislərimi bildirmək istəyirəm.
Sevgilim, bacarmıram. Burdakılar hamısı bir bəhanədir. Bu gün ilk dəfə sənə yalan demək istədim amma bunu da bacarmadım. Utanıram yalanlara görə.
Etiraf edim sənsizlikdən sıxıldım..
Sənsizlikdən yoruldum...
Səndən sənə şikayətim var...