Amerikalı moizəçi dünyanın dağılacağı vaxtı elan edib. Kaliforniyalı Harold Kempinqin hesablamalarına görə, bu tarix 2011-ci il may ayının 21-də saat 18:00-da olacaq. Onun sözlərinə görə, bu tarixdə əhalinin ancaq 2 faizi səmaya (cənnətə) qalxacaq, digərləri isə əks istiqamətdə gedəcəklər. Bu barədə məlumatı "The Independent" qəzeti yazıb.

Qeyd edək ki, Kempinqin ehtimalları artıq Amerikada efirlərdə, reklam şitlərində nümayiş edilir. 89 yaşlı keçmiş mühəndis gündəlik olaraq "Family Radio Network" dalğası ilə tərəfdarlarına müraciətlər edir. Britaniya qəzetinin yazdığına görə, məhz adıçəkilən radio Qiyamət gününün yaxınlaşması barədə məlumatları maliyyələşdirir. Onlar 2 mindən artıq reklam lövhələrindən istifadə edir, yollarda moizəçilərin olduğu furqonlarla işləyirlər.

Kempinqin sözlərinə görə, o, müqəddəs kitab olan "İncil"də gizli olan gələcəyi xəbər vermə yollarını riyazi üsullarla açıb. Onun hesablamalarına görə, bu ilin may ayında, daha dəqiqi ayın 21-də İsa peyğəmbərin çarmıxa çəkilməsindən 722500 gün ötəcək. 722500 - önəmli rəqəmdir. Çünki o üç müqəddəs rəqəmin (5,10,17) birinin digərinə iki dəfə vurulmasından alınır.

Moizəçi bir müddət öncə baş verən zəlzələləri, adət-ənənələrin dəyişməsini Qiyamət gününün müjdəçisi olduğunu düşünür.

"Cəmiyyətdəki bütün bu oğurluqlar, yalanlar, cinsi əxlaqsızlıqlar, mavilərin paradları bizə nə isə deyir. Tanrı bütün bunları sonun əlaməti kimi göndərir", deyə Kempinq vurğulayıb.
Qəzetin yazdığına görə, Kempinqin bütün dünyada 10 mindən çox tərəfdarı var.
Tənqidçilər isə bildirirlər ki, H.Kempinq belə fikirlərlə ilk dəfə çıxış etmir. Belə ki, 1994-cü il senytabrın 6-da onun yüzlərlə dinəyicisi İsam peyğəmbərin gəlişini gözləyirdi. Keçmiş mühəndis bu iddialarının doğru çıxmamasını o vaxt "İncil"i dəqiq öyrənməməsi ilə izah edib, indi isə Allahın ona sübut verdiyini deyib. ..

OXUYUN INANMAYIN..SADECE MELUMAT UCUN QOYDUM..SOSSUZKI DUNYANIN NE VAXT DAGILACAGINI ANCAG ALLAH BILIR.