Kişilərdə tam və ya natamam sonsuzluğun əsas səbəbləri tam keyfiyyətli spermatozoidlərin xayalarda yaranmaması, onların xaya artımlarında lazımi dərəcədə yetişməməsi, spermatazoidlərin cinsiyyət üzvü yollarında hərəkətinə mane olan pozuntulardır. Bu zaman sekretor və Sekretor sonsuzluqlar ayırd edilir.

Sekretor sonsuzluq xayalarda anadangəlmə və ya Sonradan qazanılmış çatışmazlıqlar nəticəsində yaranır. Anadangəlmə sonsuzluq xayaların hər ikisinin olmamasının (anorxizm) nəticəsində baş verir və nadir hallarda təsadüf olunur. Başqa bir anomaliya — monorxizm (birxayalılıq) normal inkişaf etdikdə özünün bütün endokrin və spermatokenez vəzifələrini yerinə yetirir və spermanın mayalandırmaq xüsusiyyətini təmin edir. Xayalardan birinin və ya hər ikisinin xayalığa enməməsinə (kriptorxizmə) daha çox təsadüf edilir. Xayalar adətən uşağın qarın boşluğunda inkişaf edərək 9 aylığında xayalığa enirlər, lakin 10-15%-ində bu normal , vəziyyət baş vermir. Belə vəziyyətdə olan uşaqların 70%-ində həyatın birinci ilində, qalanlarında isə bir qədər də gec xayalar öz təbii yerlərinə enirlər. Lakin 0,2-0,3%-ində isə kriptorxizm böyük yaşlara qədər qalır. Bu vəziyyət ananın hamiləlik dövründə müxtəlif xəstəliklər keçirməsi ilə, zədələnmələrlə, bəzən hormonal pozğunluqlar və irsi xəstəliklər ilə izah olunur. Bəzi kişilərdə xarici mühit amillərinin təsirindən (soyuqlama, ağır fiziki əmək və s.) xayalar yuxarı dartılaraq xayalıqdan çıxır (kriptorxizm) və qasıq kanalına keçirlər. Xayalıqdan çıxmış xayalar onlar üçün yüksək sayılan 37°S hərarətin təsirinə məruz qaldıqda öz daxili quruluşunu itirir, atrofiyalaşır və hətta yaman xəstəliyi baş verə bilir. Məlumdur ki, xayalıq soyuqda yığılaraq qısalır və istidə boşalaraq genişlənir və beləliklə spermatokenezm (spermanm yaranmasım) təmin və tənzim etmək üçün 33 – 34° ,S optimal hərarəti daimi vəziyyətdə saxlayır. Valideynlər oğlan uşaqlarının xayalarında kiçik yaşlarında qeyri-normal vəziyyət müşahidə etdikdə mütəxəssisə müraciət