ə hallarda qızlar müntəzəm surətdə uşaq ginekoloqunun nəzarət altında olmalıdırlar. Gec aparılmış cərrahi müdaxilələrdə korbağırsaq çıxıntısının yumurtalıqlarda sistlərin və s. kənar edilməsində) bitişmələr, kobud çapıqlar əmələ gələrək uşaqlıq borularını, .onların saçaqlarını əhatə edir və hamiləliyin baş verməsinin qarşısını alır.

Birinci aybaşının gecikməsi və onun qeyri-müntəzəm olması ginekoloqa və endokrinoloqa müraciət etmək zəruriyyəti yaradır. Kontraseptiv preparatlardan istifadə etməyi bacarmamaq və vaxtından əvvəl cinsi əlaqə arzu olunmayan və faciəli nəticələr verən hamiləliyə və beləlİklə, məcburi abort zəruriyyətinə gətirib çıxarır. Abortun gənc qadın orqanizmində nə kimi fəsadlar və sonsuzluq törətməsi haqqında yuxarıda qeyd olunmuşdur. Yalnız onu da əlavə etmək lazımdır ki, abortdan sonra qadın düz bir il müddətində mama-ginekoloqun nəzarəti altında olmalıdır.
Əkər cinsiyyət üzvlərində iltihab törədən xəstəliklər qadını həkimin köməyinə müraciət etməyə məcbur edirsə, kişilər belə xəstəliklərə çox soyuqqanlılıqla baxaraq kəskin ağrılar və ya cinsi əlaqə qabiliyyətinin azalması onları narahat etməyincə həkimə müraciət etmirlər. Buna görə yadda saxlamaq lazımdır ki, cinsiyyət üzvlərinin gec və keyfiyyətsiz aparılan müalicəsi cinsiyyət vəzilərinin işində ciddi pozğunluqlar əmələ gətirərək çox vaxt kişini nəsil yaratmaq qabiliyyətindən məhrum edir.
Müxtəlif səbəblərdən qadında sonsuzluq baş verdikdə ər-arvadın hər ikisinin razılığı və istəyi ilə süni mayalandırma üsulundan istifadə oluna bilər. Bu üsul hazırda ABŞ-da tətbiq olunur.
Bu üsul son vasitədir. Keçmiş SSRİ-də bu üsul 60-cı illərdə məşhur ginekoloq İ. Jordaniya tərəfindən tətbiq olunmuşdur və hazırda da istifadə olunur. O, birinci, cinsi hərtərəfli yoxlanılmış donordan alınmış spermanı 3 qadının uşaqlığına yeritmiş, bu əməliyyatın nəticəsində isə hər cəhətdən tamamilə normal 3 uşaq – iki qız və bir oğlan doğulmuşdu.
Süni mayalandırmanın başqa bir üsulundan da müvəffəqiyyətlə istifadə