Gizli nömrədən zəng xidməti ləğv edilir.

"Gizli nömrədən zəng" xidmətinin sonu yaxınlaşır..Fox.az-ın verdiyi məlumata görə, Azərbaycanda “Gizli nömrədən zəng” xidməti ləğv ediləcək. Bu barədə "Bakcell" şirkətinin baş hüquqşünası Mehman Səmədov məlumat verib.

Xatırladaq ki, bir müddət əvvəl də rabitə və informasiya texnologiyaları naziri Əli Abbasov bu xidmətin lğv ediləcəyini bildirmişdi. O, bu sahə üzrə təkliflərin hazırlandığını qeyd etmişdi. Nazirin sözlərinə görə, bu addım elə atılmalıdır ki, mobil rabitə opeartorlarının kommersiya fəaliyyətinə zərər vurmasın.

Qeyd edək ki, hazırda mobil rabitə operatorları tərəfindən tətbiq olunan bu xidmət zamanı istənilən istifadəçi nömrəsini gizlətməklə digər istifadəçiyə zəng edə bilər. Bununla yanaşı, qarşı tərəf ona zəngin hansı nömrədən daxil olduğu barədə məlumatı yalnız hüquq mühafizə orqanlarına müraciət etməklə ala bilər. Bu isə zəng qəbul edən istifadəçilərin narazılığına səbəb olur.