Mənə uşaqlığını verərsənmi, canıma can qatsın. Mənə ilk gülüşünü verərsənmi, qəlbimdə lalələr açsın. Mənə körpəliyini ver. Qoy sənin qoxun mənim kimyama qarışsın. Hətta gözyaşlarını belə ver mənə. Qoy yanaqlarım çatlasın, səninkilər ağrımsaın. Günahını ver mənə.
Işığını ver mənə, qoy qaranlıq otağım aydınlansın. Meyli tellərini qoy sığallasın sənə həsrət qalmış könlüm. Ver... Ver hər bir xoşbəxtliyini, mən bədbəxtliyini hədiyyə kimi qəbul edərərm. Mənimsəyərəm səndə olan hər bir şeyi. Mənə sənliyini ver, qoy mənliyim sənliyinlə birgə canlansın, aləmlərə, səmaya qarışsın. Ver gözlərini mənə.
Hüznün mənə hüzn deyil sevincdi. Əllərin mənə məlhəmdi. Mənə hüznünü, əllərini ver... At qollarını boynuma məni elə bərk sıx ki özünə, bütün varlığım keçsin sənə. Əllərini aç bağlama nə olar. Yollar bağlıdı bilirəm. Əgər səndə əllərini bağlasan mən o yolları aça bilmərəm. Mənə açıqlığı ver...
Mənə özünü bəxş edərsənmi...
Mənə mümkünsüzlüyü pay edərsənmi...
Mənə özünü verərsənmi...