ZUL-CƏLALI-VƏL-IKRAM Ya Zul-Cəlali- Vəl-Ikram! Sən kərəmini cəlalınla göstərirsən. Lütfün elə çoxdur ki, bir damla suya min həyat bəxş edərsən. Görünmürsən, amma zühurunun şiddətindən gözlərdən gizlənirsən, cəmalını kərəminlə göstərirsən. Sən ən sevgili qulunu (s.a.s) bizlərə elçi etmisən, ən sevgili qulunu ən sevimli et mənə! Qaranlıqlarımı dağıt, nur et məni! MUQSIT Ya-Muqsit! Haqq Sənin yanındadır, haqlıların haqqı Sənin qatındadır. Hər möhtaca payını verən Sənin ədalətindir, payıma düşənə razı et məni, Öz fəzilətindən bol ver mənə! CAAMI Ya Caami! Sən İbrahimin (ə.s) quşlarını dağ başlarından geri toplayansan, az olan savablarımı da topla hesab günü gəldiyində! Bütün yaxşılıqlar Sənin qatındadır, yetərsiz olan yaxşılıqlarımı topla hesab günü gəldiyində! Yoxluğu varlığın alnına şəbnəm edən Sənsən. Kərəm et, məni və qardaşlarımı yaxşıların məclisində bir yerə topla! GANIY Ya Ganiy! Elə zənginsən ki, nə lütfünü qazanmaq nə də ehsanına layiq olmaq gərəkdir. Əlim istədiklərimə yetişmir, qəlbimin arzuları da bitmir. Kainat xəyallarıma dar gəlir, amma dilimə sadəcə dua dəyir. İstəsəm ancaq Səndən istərəm. MUGNII Ya Mugnii! Bütün zənginliklər Sənin ikramındır. Yalnız əlimizdə olanlar deyil, əlimiz də Sənin ikramındır. Sadəcə sahib olduqlarımız deyil, varlığımız da Sənin ikramındır. Hər zənginin zənginliyi Səndəndir, başqalarına əl açdırma məni! Yalnız Sənə qarşı fəqir olanlardan et məni və yoxsulluq qorxusundan azad et nəfsimi! Nəyim varsa Sənin verdiyini bilənlərdən et məni! Kainata dilənçi etmə qəlbimi, nazlı bir qonağın olaraq qəbul et iki dünyada da məni! MAANI Ya Maani! Sən mane olsan, heç kim maneçilikləri aradan qaldıra bilməz! Sən əngəlləri qaldırsan heç bir şey əngəl yarada bilməz! Mən mənə gərək olanı bilməm. Hikmətli Sənsən, Sənə gəlməmə əngəl olan şeylərdən məhrum et məni! BARR Ya-Barr! Zərər də, fayda da Sənin izninlə olur. Zərərə izn verməndə də bir hikmət vardır. Sən haqqımda zərər istəməzsən. Yaxşılıq Səndəndir, pislik isə özümdəndir. Yaxşılığa macalım