Qaytar mənə zamanımı...səninlə keçirdiyim hər anımı...heç yerə getmədim,heç nə etmədim ki,zamanım tək səninlə keçsin deyə.

Mənim saatımda sadəcə bir zaman vardı...səninlə olan zaman.

Qaytar artıq o zamanımı!

Qaytar mənə güllərimi...hər görüşdə sənə gətirdiyim o gülləri.Mən o gülləri sevgi ilə yetişdirirdim sən sevgi qoxasan deyə.Mən bağban olmuşdum ən gözəl gülü sənə yetişdirim deyə.

Qaytar mənə o güllərimi!

Qaytar mənə nəfsimi...sənə görə nələrdən vaz keçdim.Nələrdən imtina etdim.Kimsəyə baxmadım,kimsəylə danışmadım,kimsəylə görüşmədim.Mən kimsəni tanımadım sənə görə.

Qaytar mənim nəfsimi!

Qaytar mənim sözlərimi...səni sevirəm sözü ilə başlayan...sənsiz yaşaya bilmərəm sözü ilə bitən sözlərimi.

Daim səni xatırladan,daim səndın danışan o sözlərimi qaytar mənə...hər sözümdə sən olan səni

Qaytar mənim sözlərimi...

Qaytar ümidlərimi...sənə olan ümidlərimi...səninlə olan ümidlərimi....sənsiz olmayan ümidlərinmi.

Qaytar mənə xəyallarımı...nə xəyallar qurduq səninlə...gözəl ailəmiz,şirin körpələr xəyal etdik.Biz ən gözəl ailə olmağımızı,heç bir zaman ayrılmamağı xəyal etdik.

Qaytar mənim xəyallarımı!

Qaytar mənim gələcəyimi...sənə görə hər şeydən imtina etdim,oxumadım,fikrimdə sən idin...

İşləmədim hər an yanında ola bilim deyə...nə normal həyat qurmadım çünki sənlə xoşbəxt idim...mən gələcəyimi qurmadım!

Qaytar mənim gələcəyimi!

Qaytar mənə verdiyin sözü...qaytar mənə verdiyin səni həmişə sevəcəyəm sözünü.
Qaytar mənə sənsiz mən yoxam verdiyin sözü!

Qaytar mənim sevgimi...nə Fərhadda,nə Məcnunda,nə Xosrovda görmədiyin o sevgimi qaytar...lütfən qaytar!

Qaytar mənim oyuncaqlarımı...qaytar oyuncaq etdiyin bu sevgimi, bu həyatımı,bu varlığımı!
Daha səninlə oynamaq istəmirəm...

Varmı sizə kiminsə qaytaracağı nəsə ?