Titrəyən bədənimin ağrılı atlasına yenidən gəldi ən gözəl, sevimli Sentyabr..
Uzun gecələrin quşları gəlirlər bax, dimdiklərində gül..
Susuzluğum keçmədi illərdir, sənə, dənizə sevgi səpilərkən..
Sənsiz xoşbəxtliklərin yorğun limanlarındayam, gəl dodaqlarına sevg çək..
Sentyabrı qarşılayarkən ürəyimin küncündən dənizə sovurdum həyatın qırıq tüstülərini..
İşıltılı bir qarşılamaqla həyəcanı dəniz udurdu, sən dörd divarlı bir yalnızlığın kölgələrini seyr edirdin..
Sentyabra baxdım, dodaqlarımı bir mahınının sözləriylə təmizlədim, həmçinin də yaralarımı..
Başıboş qağayıların ürkək səslərinə uzandı düşüncələrim, anladım ki, Sentyabr üçün mən sən qədər darıxmışam..
Mən həsrətinin uzaq şəhərlərində sənə şeirlər yığıram, sən gecənin ağrılarını bədənindən silməyə çalışarkən..
Sən səsimin kövrək titrəşmələrini eşitmək üçün çalışarkən fikrimdəki dalğınlığa mənalar axtarmıram..
Ağrıların sonuna hüznləri tıxayıram gülüm, öhdəçilik ağır və bu an qulaqlarım hər şeyə kardır..
Söykə ürəyini həsrətə, istəsən aç pəncərəni, səsin çıxdığı qədər qışqır..
Səsinin əks-sədaları gələr ölkəmə, dinlədikcə bu könlüm bir az da ağrıyar..
Dənizlərə dayanıb baxışlarım, sən bir sahilə buraxırsan səni mənə gətirəcək ayaq izlərini..
Qumda sevdanın yanğını varkən, sulardan gözyaşının duzu çağlayarkən mən dalğalı bir sahilə şeirlər yazıram sözlərimi sənə gətirsinlər deyə..
Qəhqəhən tökülür birdən, səssiz çağırışlarımın əks-sədalarına qulağını tıxayır..
Təmir edilmiş könlünün sorğularını dənizlərə buraxanda yenilənmiş ürəyinin qaranlıqlarına basdırardın həsrətlərimi..
Səsimin şəfalarıyla bağlayardın günəşin qovurduğu pərdələrini..
Yarım qalmış sarılmaların ünvanını tapar, uzadardın qurumağa üz tutan dodaqlarını..
Sevginin barmaqlarını isladardın, nəfəs almadan edərdin arzunun ən coşğun qışqırıqlarını..