Bəzən bir mahnıya qulaq asıb kədərlənərik. Bəzən köhnə bir xatirəyə.. Bəzən şirin bir təbəssüm gəlir ağılımıza bəzən şirin bir zarafat.. Hamısında sevginin izləri var, keçmişdə qalan, amma hələ yaşanan.. İndi hər şeyi bir kənara buraxın! Və keçmişdə qalan şirin bir anınızı düşünün.. Düşünün, elə indi, bunu oxuya-oxuya..
Yaxşı.. İndi o anınıza geri dönün və yenə eyni şeyləri yaşamağa çalışın.. Xoşbəxt olursunuz hə? Bax bunun səbəbi, içinizdəki o sevgi mənbəyidir. Bəzən keçmişdə yaşanan pis hadisələr gəlir ağlımıza.. Düşünürük! Acı ilə dolur ürəyimiz.. Amma yenə də xoşbəxt olmağa çalışarıq.. Çünki ürəyimizdə hələ sevgi tərpənişləri var.. Bax, bu sevgi yeyər keçmişdə yaşadığımız pis izləri.. Çox vaxt haqsızlıqlarla qarşılaşarıq, pisliklərlə, yalanlarla, ağrılarla..
Və bir an içimizdəki o sevgi belə zəbt edə bilməz bizi.. Cavab vermək istəyərik edilən haqsızlığa, pisliyə.. Bu dünyada, arxamızdan təriflə danışılacaq bir hadisə varsa, o da sevgiylə etdiyimiz bir hadisə olacaq.. Çünki hər şey bu dünyada qalar.. Heç kim çox sevdiyi bir şeyi özüylə apara bilməz.. Ancaq, etdiyi və edəcəyi qalıcı şeylər ona çox şey qazandırar.. Sevgi adıyla edilən qalıcı şeylər nə ola bilər?
Bu suala əslində bir çox cavab verilə bilər.. İnsanları sevmək, onlarla yaxşı dolanmaq, sevgiyə inanaraq yaşamaq belə, sevgi adına edilmiş qalıcı şeylərdi.. Təbii sevgini, yalnız hiss etmək yerinə, bunu tətbiqə keçirmək daha qalıcı olar. Sevgini tətbiqə keçirmək, sevgini hiss edərək yaşamaqdır. Sevgini sıx olaraq yaşayan biri, onsuz da sevgi adına yaxşı bir şey edir deməkdir. Əlimizdən gəldiyincə sevgini doya-doya yaşayaq! Sevgini yaşadıqca, həyat daha da rənglənər..
Adamın xoşbəxt ola biləcəyi bir səbəbi olar əlində. Sevgi bir ümiddir, sevgi xoşbəxtlikdir... Sevgini ifadə etmək çox sadədir. Anamıza sarılmaq belə bir sevgidir... İsti bir gülümsəmə, bir sevgi ifadəsidir.. Bunları etmək çoxmu çətindir? Sevgiyə inanan üçün heç də çətin deyil.. Sevgidə ayıb olmaz.. Qoyun çıxsın içinizdəki duyğular..