Sənə bu sualı verərkən gözlərində xoşbəxtliyini, mənim olduğunu görmək istəyirəm.. Bunu mənə hiss etdirə bilərsənmi?
Sənə heç nə demək istəmirəm bu sözlərdən sonra gözəlim, bərk-bərk sarılmaq istəyirəm.. Bəs sən? Mənə sarılmaq istəyərsənmi?
Bu an da daxil olmaqla mənə mənim üçün necə sevindiyini göstərməyini istəyərdim.. Mənimlə həmişə sevinə bilərsənmi?
Gülək, yalnız gülək, bir-birimizi həmişə gülərkən görək.. Göz yaşlarımız da çox gülməkdən olsun.. Mənimlə həmişə gülərsənmi?
Mənimlə ən pis anında belə xoşbəxt olasan istəyirəm, bunu bacararam, səni xoşbəxt edərəm.. Mənimlə həmişə xoşbəxt ola bilərsənmi?

Görəndə mənə özümü unutduracaq o balaca gülüşləri, mini-mini addmları, cuppulu qızımızı ya da oğlumuzu mənə verə bilərsənmi?
Hərdən onları nənə-babalarıgilə qoyaq, mənim üçün ən gözəl paltarını geyin, ikimiz baş-başa, ən isti öpüşlərini mənə hiss etdirə bilərsənmi?

Sənə verdiyim bütün suallara cavab verəcəyini bilmək istəyirəm, mənimlə qocalacağını da.. Mənimlə bir yastıqda qocalarsanmı?
Saçlarının da, gözəlliyinin də, o baxışlarının da, o gülüşünün də, yalnız 1 dodağa qonduracağın o kişinin mən olmağına icazə verərsənmi?
Mənimlə evlənərsən? Sadəcə bir öpüşlə cavab ver :)