Xatirim olmayan bir sevginin arxasından şüursuzca qaçıram. Nəticəsi də cavabından məhrumdur.
Düşünə bildiyim ən gözəl ehtimal, sənin məni sevə bilməyindir. Danışmayan bu bədən o an dilə gəlir, əgər sən istəsən.
Qoy danışsın ürək, söyləsin nə ağrılar çəkdiyini, qışqırıqları olsun, olsun ki, öyrənsin ürəyin, necə sevilə biləcəyini.

Sən get, mən gözləyərəm qoyub getdiyin hər küncü. İtkim olmaz, dönərsən deyə bir ehtimal var bəlkə də.
Ən böyük cəzadır mənə, hər susmağının arxasındakı səbəb. Danışmalı bəlkə də söyləməlidir, bilirsən, ürəyə ürək lazımdır.
İtirdiyim bir ömrün son dəmini içirəm, al, apar istəsən, sıx boğazımı, bu bəndəki sən incidir.

Get məndən çıxan nankor ürəyim, görmə artıq başqasının yerinə, onsuz da daha lal olub gözlərim.
Çox çətin olur Allahım, gizli yaşadığım sevgim. Ya gəl, ya get adı qoyulsun bu çəkdiklərimin.
Bir gedişinə səbəb, cəsarətsizliyimdir, elə olmasa, bu qədər il susaraq gözləməzdim.

Günəşi gecə doğulmağa məcbur etdin, sən bilmirsən, amma bu mənim qiyamətimdir.
Gözlərimdə son anda çəkdiyim kiçik bir şəklin var. Gələcəksən bilirəm, çünki gecəm sənsən.
Hec vaxt unuda bilmədiyim gecə nağılımsan, hər gecə eşitməliyəm.

Səni hiss etməkdən məhrum olmuşam, yoxa çıxmısan. İnciyirəm.
Gələcəksən bilirəm, çünki gecəm sənsən.