Çatdan gələn qəribə mesajlara fikir verməyə dəyməz.

Dünyanın ən iri sosial şəbəkəsi "Facebook"-da akkauntu olan şəxslər yeni "tələ" ilə qarşılaşıblar.

Şəbəkədəki "söhbət", yəni çat funksiyasından yararlanan virus ilk əvvəl "Facebook" profilinə bağlı bir dostun adından istifadə edərək çat pəncərəsini açır və akkaunt sahibinə həmin dostun adından yazır: "Hey, i just made a photoshop of you” ("Sənin "Photoshop"lu bir şəklini hazırladım").

Həmin mesajın sonunda isə link var. O linki açan istifadəçi profilinə proqram yüklənməsi üçün izn istəyi ilə qarşılaşır. İcazə verilərsə, istifadəçinin adı, soyadı, cini mənsubluğu, dostlarının siyahısı, doğum tarixi, elektron poçt ünvanı və s. kimi məlumatların hamısı virusu yayan adamın əlinə keçir.

"M86 Security Labs" şirkəti bildirir ki, "Facebook"da artıq 600 min istifadəçi bu tələyə düşüb.