Eşq, bir dəqiqəni ala bilərəm?
Lütfən...
Bir dəqiqəni ala bilərəm, eşq? Bir az sual verib susacam.. Sən elə edirsən ki, qanadlandırırsan insanları. Mən sənə inanım yoxsa insanlara?
Sən varkən insanın yanında mələklər əskik olmazmış dualardan. AY pəriyə dönərmiş kəpənəyin qanadında.. Bir yuxu olub girərsənmiş yuxuya... Sən çoxmu güclüsən, eşq?


Səni yaşadımı insan titrəyərmiş, qorxarmış uşaq kimi təklikdən... Hamı bir şəkil çəkərmiş ürəyinin divarına.. Ürəyinə sancılar girər qıvrılar amma heç bir şey deyə bilməzmiş. Sənin adın nə eşq?

Sən varsansa.. İki nəfərlik olarmış insan. Həmişə iki nəfəri düşünərmiş. İki nəfər yatar, iki nəfər durarmış. Yenə iki nəfər böyüyər, iki nəfər ölərmiş. Sən neçə nəfərliksən, eşq?



Bəzən günah olarsanmış, bəzən ümid... Kimisinidə vurarsanmış ürəyindən. Nəfəs ala bilməz insan, tanıya bilməz dünyanı, özünü sonsuzluğa buraxıb yalvararmış gecələri... Yoxsa sən qatilsən eşq?

Kino pərdəsi kimiymişsən, hər rolu oynayarmışsan... Səninlə gülər, səninlə ağlarmış hər kəs. Heç kəsin ürəyini boş saxlamazsan. Məndə.. məndə gəlsəm? Filmin adı nə, eşq?



Səhərləri sevməz, gecələri ağladar, ulduzlar söndürərsənmiş, ürəkləri qanadarsan, gözlərdə yaş olarsan. Gündüzü gecəyə döndərərsən... yoxsa sən gecəsənmi, eşq?

Kəpənək qanadına, göyqurşağında taparsanmış özünü. Növ növ çiçək olar.. Ən usta rəssam belə bilməzmiş sənin rəngini... Sənin rəngin nə eşq?


Saatlardır soruşuram... Susqunsan dəniz kimi.. Nə olar danış..
Sən nəsən, kimsən eşq?..