Bütün sevgilər kimi, onların da sevgi hekayələri gözəl başlamışdı.
Təsadüfü tanışlıq onun həyatını tamamilə dəyişdi. Bu günə qədər yalnız filimlərdə gördüyü məhəbbət indi onun öz başına gəlmişdi. Hərdən bacısına – Elə bil görünməyən qanadım var, buludların üstündəyəm.
Gizli görüşlər, evdən çıxmaq üçün şirin bəhanələr, sevdiyindən aldığı xırda hədiyyələr, qulağa pıçıldanan gözəl sözlər onun həyatının mənasına çevrilmışdi. Xoşbəxt idi.
Oğlan ona evlənmək təklif etdəndə isə evə qaça-qaça gəlmişdi. O qədər xoşbəxt idi ki, az qalırdı yoldan keçənə də öz xoşbəxtliyindən pay versin.
Ata-anası tanımadıqları adama qız vermək istəmirdi. Anası qızının sözündə qərarlı olduğunu görüb oğlanın ailəsini araşdırmağa başlayır. Oğlan haqqında xoşa gələn heç nə eşitmir. Qızını çox dilə tutur, başa salmağa çalışır, qız isə nə görmək nə də eşitmək istəyir.
Bir gün evdə məktub qoyub oğlanla qaçır. Ona elə gəlirdi ki, O öz xoşbəxtliyinə, səadətinə doğru qaçır.
Evlənirlər. 6-7 ay sonra valideynləri də qızlarını bağışlayırlar. Hər nə etmiş olsa da övladları idi. Onların xoşbətliyi balalarının xoştbəxt olmasında idi.
Bir dəfə bacısı deməmiş onlara qonaq gələndə qızın gözünün üstünün şişib, bir gözunü tamamilə bağladığını görür. Qız pilləkəndən yıxıldığını deyir. Şübhələnən bacı tez-tez qonaq gəlməyə başlayır. Bacısına heç nə demək istəməyən qız hər dəfə gözünün şişini, göyərmiş sifətini, partlamış dodağını bir cür izah edirdi. Qızın inkar etməsinə baxmayaraq bacısı onu bu günə salanın əri olduğu çox gözəl bilirdi. Bir gün qız axır ki, bacısına ərinin içkiyə çox meylli olduğu, ən pisi isə içəndə aqressivləşib əlinə keçəni sındırıb dağıtdığını deyir. Onda olan bu xüsusiyyəti toydan bir az keçmiş öyrəndiyini deyir. Qız ərini sevdiyini, ona kömək etmək istədiyini, hətta həkimlə danışdığını da deyir. Ona görə bacısına yalvarır ki, valideynlərinə heç nə deməsin. Bunun müvəqqəti çətinlik olduğunu, ərinin mütləq müalicə olunub sağalacağını deyir.
Bacısı gəlib hər şeyi valideynlərinə