Fərqi yoxdu gözlərimdən, qəlbə doğru axıb, duran, yaşlarımın səbəbisən ya xoşbəxtsən deyə gülən, gülüşümün parıltılı şəfəqisən,yanımdasan ya da mənsiz,səninləyəm ya da sənsiz,Səni sənsiz yaşayacam..



Gözlərini görməyəcəm,gülüşünü, göz yaşını,bilməyəcəm.. Mənsiz necə olduğunu,yaxşı, ya pis olduğunu,ruh halına, təbəssümdən,günəşlərin doğduğunu,ya da gecə olduğunu, görməyəcəm..Səni sənsiz yaşayacam..



Sənə səsim çatmayacaq,əllərini əvvəlkitək bərk-bərk sıxıb,gözlərində boğulmağa, cəsarətim çatmayacaq..Ya da səni sonsuzadək gözləmək?
..yox, möhlətim çatmayacaq..
Əmanətdir bu can məndə,gəldiyimi bilmədim ki,getdiyimi öncə bilim.. Bəlkə sənin dönüşünə, ruh bədəndə qalmayacaq?!
Hər nə olsa, əminəm ki,Səni sənsiz yaşayacam..



Elə sənsiz öləcəm də, Səninlə birgə qurduğum,arzuları, xəyalları,xoşbəxtliklə dolub daşan, yaşanacaq o anları,elə qəlbdə dəfn edərək, səhralara gedəcəm mən..
Yadındadı soruşmuşdun,gözlərimin parıltısın?!
Demişdim ki, sənə baxır,buna görə parıldayır.. Sən demə səndən sonra da hər yerdə səni görərək,axtararaq, gözləyərək,qalacaqdı o parıltı..
Sənsiz qalan bir ürəkdi,sinəmdə durmadan vuran,bir də nəfəs,onu da içdə boğacam,
Səni sənsiz yaşayacam..

Varmı onu Onsuz yaşadığınız birisi?