danışır. Elə həmin gün atası gedib qızını gətirir. Bu hadisə bir neçə dəfə təkrarlanır. Hər dəfə qızlarının döyüldüyünü biləndə onu zorla gətirirlər, oğlan bir dəfə gələn kimi qız yenə ərinin yanına qayıdır. Bəzən isə oğlanın gəlməyini gözləməyib özü xəlvət qaçırdı ərinin yanına. Ona elə gəlirdi ki, onun köməyi ilə əri içkini atacaq. Onun sevgisi qalib gələcək.
Beləcə 3 il keçdi. Heç nə dəyişmədi. Hər axşam eyni səhnə yaşanırdı. Yenə döyülmələr, səhər isə ayılıb arvadının ayaqlarına döşənib üzr istəyən ər. Oğlan müalicə olunmağa çalışsa da içkini ata bilmədi. Əksinə içkili günlərin sayı artmağa başladı.
Bir gün bacısı yenə onu evlərinə qayıtması üçün dilə tutmağa çalışır:
- Qayıt evimizə, nəyə görə dözürsən? yəni sən bu qədərmi ağılsızsan? Səninki sevgi deyil, özünə işgəncə verməkdi. O adam əyyaşdı, həkimin dediyini yaxşı bilirsən, o xəstədi, sağalması üçün ən birinci istəyi olmalıdı. O da ki istəmir. Pis günə qalan sənsən. Hələki cavansan bütün ömrün qabaqdadı. Burda qalsan bir gün onun əlində öləcəksən. Heç olmasa ata-anamıza yazığın gəlsin. Bizdən başqa onların kimi var? Sənin dərdindən atam ürək xəstəliyi tapıb. Qürurun olsun, özünü bu qədər ayaq altına atma, qayıt evimizə özünü də bizi də yazıq etmə.
- Sən başa düşmürsən. heç kim məni başa düşmür. Elə bilirsən mən istəmirəm adam kimi yaşamaq? elə bilirsən mənə xoşdu? Qaynanam da neçə dəfə deyib ki, bala yazıqsan bir gün o piyanıskanın əlində öləcəksən. Amma nə edim onsuz yaşaya bilmirəm. Onun yanında olmaq istəyirəm, ona kömək etmək istəyirəm. Kimi var məndən başqa? Mən də onu atsam tək qalacaq. İnsan sevdiyini necə pis günündə ata bilər? O çox yaxşı adamdı, bircə içəndə pis olur - deyib başlayır ağlamağa.
- Hə də bircə içəndə, həftənin neçə günü içmir? Nəysə özün bilərsən, mən yorulmuşam səni başa salmaqdan. Bircə onu bilirəm ki, bir gün hamımızı yazıq edəcəksən - bacısı bunu deyib gedir.
Həmin gecə evə zəng gəlir. Polis idi. Bədbəxt ata-anaya qızlarının yaralı olduğunu, təcili xəstəxanaya gəlmək