u xəstəlik insan psixi və fiziki cəhətdən alkohola tabe edərək, ayrı-ayrı orqanların və nəticədə bütün orqanizmin fəaliyyətinin pozulması ilə özünü göstərir. Belə şəxslərdə davamlı sinir və psixika pozğunluqları şəxsiyyətin deqradasiyasına, ailədə və əmək kollektivində konflnktlərə gətirib çıxarır. Professor İ.V.Strelçukun məlumatlarına görə spirtli içkilər qəbul edən şəxslərin. 1-6%-i gec-tez alkohol düşkünü olur.

Alkoholizmin tibbi problemini iki böyük qrupa bölmək olar: alkoholdon sərxoş olma və alkoholdan sui-istifadə olunmasının nəticələri. Kəskin alkohol sərxoşluğu diqqəti, hadisələrə tənqidi baxımı, hərəkətlərin idarə olunmasını pozur, insana həqiqi şəraitə uyğunlaşmağa imkan verməyərək, yalnız onun öz sağlamlığı və həyatı üçün deyil, hətta ətrafdakılar üçün də təhlükə yaradır. Yüngül və orta dərəcəli sərxoşluq məişət və küçə travmalarının əsas səbəbləridir. Onun daha ağır dərəcəsi müxtəlif faciələrlə — yanğın, suda boğulmaq, donmaq və müxtəlif ağır cinayətlərlə nəticələnir.

Sərxoşluğun sosial nəticələri arasında birinci yerdə onun kriminogenlik (cinayətkarlıq) təhlükəsidir. Xuliqanlığın, şəxsiyyətə qarşı cinayətlərin əksəriyyəti sərxoşluq zamanı baş verir. Yol-nəqliyyat hadisələrində, qəza, və fəlakətlərdə sərxoşluğun rolu çox böyükdür: onların törənməsinin 60-90%-ində günahkarların və ya zərər çəkənlərin sərxoş olduqları aydınlaşdırılmışdır. Sərxoşluq əmək intizamının pozulması, keyfiyyətsiz və səmərəsiz iş (bəzən ətrafdakılar üçün təhlükə), məsuliyyətsizlik və qanunsuzluq törədir.
Alkoholizmin tibbi nəticələri dəhşətlidir: Ümumdünya Səhiyyə Təşkilatının məlumatlarına görə ölümün səbəbi kimi yaman şişlərdən və ürək-qan damar sistemi xəstəliklərindən sonra alkoholizm üçüncü yeri tutur. həddindən çox içki içən şəxslər arasında ölümün miqdarı ümumi əhali arasındakı ölümün sayına nisbətən 2-4 cinsi çoxdur. Ölümün belə yüksək faizi yalnız travmalarla deyil, eyni zamanda alkoholizm nəticəsində zəifləmiş orqanizmin müxtəlif yoluxucu xəstəliklərə