Yenə həmdəmimdir qələm dəftərim
Bir küncdə közərən tənha ocağam
Niyə darıxmıram senden ötəri?
Axı demişdimki darıxacağam

Getdin sən.Yeridir dalınca gülsəm
Gedib xatirən də özündən qabaq.
Bəlkə sabahısı üz-üzə gəlsək
Səni tanımaram faciənə bax

Arabir beynimdə fikir yelkəni
Səni xilas edir məni qərq edir
Bəlkə sən özündə apardın məni
Məndəsə qalmadın nə qəribədir

Bəlkədə bundadır bəxtiyarlığın
Mənimlə dil tapmaq deyildir asan.
Əgər yoxluğunda yoxsa varlıgın
Demək varlıgında sən elə yoxsan

Yenə çay qırağı öz görkəmində
Gözləri yol çəkmir cığırın yolun
Meşə sükutunun gizli qəmində
Təssüf oxunmur hanı bir qolun

Mən indi bildimki o dilim axmaq
Qəlbimdən gizli cox yalanlar olmuş
Mən indi bildimki sənli yaşamaq
Sənsiz yaşamağa bərabər imiş...