əlaqə gözlənilməz hamiləlik təhlükəsi yarada bilər ki, bu da ya uşaq doğmaqla, ya da abortla nəticələnər. Bunların isə hər ikisi gənc, yetkinləşməmiş orqanizm üçün qorxuludur. Qız və oğlanların erkən cinsi əlaqəyə girməsinə səbəb çox vaxt irəlidəki mərhələlərdə onlara cinsi tərbiyənin verilməməsi olur. Cins haqqında dərin ənənələrə arxalanan tam dolğun həqiqi məlumatı olmayan gənclər öz seksual marağını yatırmaq üçün cinsi əlaqəyə girirlər. Onlara elə gəlir ki, bununla onlar özlərini böyüklər kimi aparırlar. Böyüklər yeniyetmələrdən fərqli olaraq cinsi əlaqəyə girməklə qorxulu yoluxucu xəstəliklərə tutula biləcəklərini dərk edirlər. Bu gün isə artıq klassik yoluxucu xəstəliklər olan sifilis, süzənək, trixomonos və s. haqqında söhbət getmir, indi cinsi əlaqə ilə yoluxan daha qorxulu xəstəlikdən danışmaq lazım gəlir. Bu, SPİD-lə (qazanılma immundefisit sindromu-QİDS) xəstələnmə hallarıdır. Lakin belə vəziyyətdə də yeniyetməni bu xəstəliklə hədələmək, onun nə qədər ayıb olduğunu ilk plana çəkmək lazım deyil, elə etmək lazımdır ki, mənəvi cəhətlər sağlamlıqla uyuşsun. Yeniyetmələri belə xəstəliklərlə, onl.arın ilk simptomları ilə tanış etmək, onlardan qorunmaq yollarını göstərmək lazımdır. Bunlar haqqında məlumatlar elə verilməlidir ki, həmin xəstəliyə tutulmuş yeniyetmə çəkinmədən həkimə müraciət edə bilsin. İndi heç kimdə şübhə doğurmur ki, yeniyetmələri doğum problemləri, kontrasepsiya (hamilə olmaqdan qorunma vasitələri) ilə tanış etmək lazımdır. Bəzilərinə elə gəlir ki, bu vasitələrlə tanış olmuş yeniyetmələr əxlaqsız həyat keçirməyə başlaya bilərlər. Lakin bu, belə deyil, sağlam ailələrdə tərbiyə almış yeniyetmələr yersiz cinsi əlaqəyə kirməyi özlərinə rəva görməzlər, başsız qalmış yeniyetmələr isə bu biliklərə malik olsalar nə özləri xəstələnər, nə də digərlərinə onu ötürərlər.
Çşaq və yeniyetmələrin cinsi tərbiyəsi sağlam ailə həyatı qurmaq vəzifələri ilə sıxı bağlıdır. Ailə həyatına hazırlıq erkən uşaqlıq dövründən başlayır və onların ilk idealı ata və