Kişi cinsiyyət üzvü sidik kisəsindən sidiyi xaricə çıxarmaq və spermanı qadının uşaqlıq yoluna daxil etmək vəzifəsini daşıyır və xayalıqla birlikdə kişinin xarici cinsiyyət orqanını təşkil edir. Kişi cinsiyyət orqanı üç məsaməli cisimdən təşkil olunmuşdur. Məsaməli cismin boşluqları birdən-birə yüksək təzyiqlə qanla dolduqda cinsiyyət üzvü gərginləşərək ereksiya vəziyyətinə gəlir. Süngərvarı cisimlərdən biri cinsiyyət üzvünün ucunu təşkil edir. Sidik kanalı bu süngərvarı cismin içindən keçir.
Kişi cinsiyyət orqanı xaricdən dəri ilə örtülmüşdür. Dərinin cinsiyyət orqanının başcığını örtən hissəsi orqana yapışmayıb və normal vəziyyətdə qatlanaraq onun xaricə çıxmasına imkan verir. Bəzən dərinin qurtaracağındakı hissəsinin dəliyi çox dar olduğu üçün orqanın bu hissəsinə düşən mikroorqanizmlər iltihabı prosesin — fimozun əmələ gəlməsinə səbəb olurlar. Bu zaman dərinin üç hissəsini kəsib dəliyi genişləndirmək, sünnət etmək lazımdır. Fimoz xəstəliyi uşağı kiçik yaşlarında sünnət edən xalqlarda olmur.
Qadın cinsiyyət orqanları xarici və daxili olmaqla ayırd edilir. Xarici cinsiyyət orqanlarına aiddir: qasıq, böyük və kiçik cinsiyyət dodaqlan, uşaqlıq yolu dəhlizi, qızlıq pərdəsi, bartolin vəziləri, klitor, sidik kanalının xarici dəliyi.
Qasıq dəri altına toplanmış piy təbəqəsi hesabda bir qədər hündür olub qarının ən aşağı hissəsində yerləşir (zöhrə təpəciyi). Cinsi yetkinlik dövründə qasıqda tük örtüyü əmələ gəlir.