Kiçik cinsiyyət dodaqları klitorun aşağısından başlayan ilk incə dəri qatından təşkil olunmuşdur. Külli miqdarda həssas sinir uclan və qan damarları ilə zəngindir.
Böyük və kiçik dodaqlar uşaqlıq yolunda olan qızlıq (bəkarət) pərdəsini örtürlər. Bu nazik pərdə həssas sinir uclan və qan damarlan ilə zəngindir. Qızlıq pərdəsi nazik və ya qalın, bir və ya bir neçə formalı (dairəvi, ay şəkilli, ulduzvarı, saçaqlı və s.) dəlikləri ola bilər. Qızlarda aybaşı zamanı uşaqlıqda baş verən qanaxma bu dəliklərdən xaric olunur. Adətən qızlıq pərdəsi birinci normal cinsi əlaqə zamanı deşilir. Bu proses bir qədər ağrılı və az miqdarda qanaxma ilə müşayiət olunur. Pərdənin dağılması travma, bacarıqsız yuyulma və s. səbəblərdən də ola bilər. Çox qalın qızlıq pərdəsini cərrahiyyə yolu ilə kəsmək lazım gəlir. Qızlıq pərdəsində nadir hallarda dəlik olmur ki, belə olduqda aybaşı qanın axması üçün cərrahi yol ilə süni dəlik açmaq lazım gəlir. Bəzən qızlıq pərdəsindəki dəlik çox böyük olduğundan birinci cinsi əlaqə zamanı pərdə dağılmır və bu səbəbdən qanaxma da olmur. Belə hallarda təcrübəsiz şəxslər gəlinə qarşı haqsız ittiham irəli sürür, gəlinin ismətinə, namusuna şübhə edilir və nigah pozulur. Halbuki adi həkim yoxlaması ilə qızlıq pərdəsinin vəziyyətini yoxlayıb. həqiqəti aşkar etmək mümkündür.
Qadının daxili cinsiyyət orqanlarına uşaqlıq, uşaqlıq yolu, uşaqlıq boruları və yumurtalıqlar aiddir.